1 година промени - Македонија за сите!

 

 

Експозе на премиерот Зоран Заев

 

 

Преземи ја публикацијата



ЕКОНОМСКИ РАСТ, ПОВИСОКИ ПЛАТИ И ПОВЕЌЕ ПАРИ ЗА ПОДОБАР ЖИВОТ ЗА СИТЕ!

  1. Ја покачивме минималната плата на 12 илјади денари, со што 90 илјади наши сограѓани добија повисоки плати;
  2. Просечната месечна исплатена нето-плата по вработен во март годинава е за 5,6 отсто повисока во споредба со истиот месец лани, а просечната исплатена бруто-плата, пак, е повисока за 5,3 отсто во споредба со март 2017 година;
  3. Постигнавме зголемување на просечната плата во производство на облека за 16%, а во текстилната индустрија за 24% и инициравме дополнителен раст на платите;
  4. Со мерките од Планот за економски раст ги стимулираме и помагаме компаниите да исплаќаат повисоки плати и да вработуваат високо-квалификуван кадар;
  5. Во Буџетот за 2018 година обезбедивме средства за повисоки плати во Армијата (за 10%), здравството, образованието и детската грижа (за 5%, почнувајќи од септември 2018 година);
  6. Се движиме сигурно кон остварување на ветувањето за просечна плата во износ од 30 илјади денари;
  7. Со укинувањето на радиодифузната такса обезбедивме дополнителна заштеда за граѓаните во висина од 12,4 милиони евра;
  8. Ја вративме евтината тарифа на струјата за сите. Сметките за струја се пониски;
  9. Постигнавме позитивен економски раст во втората половина од 2017, наспроти наследениот негативен раст во првите шест месеци во 2017 година;
  10. Обезбедивме поддршка на домашни гринфилд инвестиции со средства во висина од 900 милиони денари;
  11. За мерките за поддршка на малите и средни претпријатија обезбедивме 645 милиони денари или 10,5 милиони евра;
  12. Ги зголемивме средствата наменети за иновации и технолошки развој од 20,5 на 34,2 милиони денари, односно за 66%;
  13. Воспоставивме еднакви услови за инвестирање за домашните и странските инвеститори, кои ќе важат еднакво и во ТИР зоните и надвор од нив;
  14. Во буџетот за 2018 година определивме околу 50 милиони евра за програмата за економски развој на земјата или 46% повеќе средства од лани;
  15. Обезбедивме стимулација, можности, транспарентни услови и критериуми за поддршка на инвеститорите;
  16. Обезбедуваме поддршка за зголемување на соработката меѓу домашните и странските компании;
  17. Даваме поддршка за воспоставување центри за истражување и развој;
  18. Креиравме мерки со кои државата финансиски им помага на компаниите да отвораат нови, подобро платени работни места;
  19. За активните мерки за вработување определивме уште една милијарда денари;
  20. За прв пат го намаливме јавниот долг (како % од БДП) од 48,5% од БДП во 2016 година на 46,7% од БДП во 2017;
  21. Успешно издадовме еврообврзница со историски убедливо најниска каматна стапка од 2,75%, со двојно пониската каматна стапка во однос на претходните пет обврзници;
  22. Кредитната рејтинг агенција Фич го подобри изгледот на Македонија од негативен во позитивен (истовремено потврдувајќи го кредитниот рејтинг ББ);
  23. Го отвораме трезорот за јавноста - граѓаните да гледаат како се троши секој денар од своите компјутери;
  24. Ги скративме дискретните трошења на носителите на власта;
  25. Обезбедуваме поврат на ДДВ редовно и неселективно;
  26. Во последниот квартал на 2017 година вработеноста се зголеми за 1,9% (на годишно ниво), а невработеноста се намали на 21,9% (од 22,1% во третиот квартал на 2017);
  27. Во 2017 година бројот на вработените е зголемен за 17 илјади лица во однос на 2016 година;
  28. На крајот на 2017 остваривме најголема стапка на реализација на капиталните инвестиции (83,6 проценти од проектираното);
  29. За капиталните инвестиции издвоивме 1,43 милијарди денари повеќе од износот утврден со ребалансот во 2017 година, а сериозен дел од овие средства е за унапредување на инфраструктурата;
  30. Донесовме нов Закон за јавни набавки за подобрување на квалитетот на набавките, за зајакнување на транспарентноста и контролата на постапките и за олеснување на постапките;
  31. Направивме 12 клучни промени за подобрување на буџетската транспарентност во Министерството за финансии;
  32. Објавивме Граѓански буџет за Буџетот за 2018 година, со цел граѓаните да добијат разбирлива слика за трошењето на јавните финансии;
  33. Значително го намаливме, за околу 90% буџетот за промотивни активности и роуд шоуа;
  34. Обезбедивме 16 странски инвестиции од вкупно 200 милиони евра за една година, кај кои се предвидени 2750 вработувања;
  35. Реализиравме средби со повеќе од 200 компании на кои ги презентиравме можностите за инвестирање во Македонија;
  36. Ги решивме проблемите со изградбата и го пуштивме во употреба автопатот Демир Капија - Смоквица;
  37. Ги решивме проблемите со изградбата на автопат Миладиновце-Штип, кој се очекува да биде доизграден до септември 2018 година; 
  38. Ги решаваме сите наследени проблеми околу изградбата на автопатот Кичево-Охрид, за кој е даден дополнителен рок до јуни 2021 година;
  39. Отпочна втората фаза на реализацијата експресниот пат Градско-Прилеп;
  40. Ја започнавме изградбата на експресниот пат Штип-Кочани;
  41. Обезбедивме 86 милиони евра за изградба на 26 патни правци преку заем од ЕБРД;
  42. Обезбедивме 14 милиони евра за реконструкција на 12 патни правци преку заем од Светска банка;
  43. Обезбедивме средства од ЈПДП за реконструкција на 13 патни правци;
  44. Обезбедивме 42 милиони евра од ИПА за изградба на експресниот пат Градско-Прилеп, делница Градско-Дреново;
  45. Обезбедивме грант од ВБИФ од 1,2 милиони евра за изработка на проект за изградба на автопат Скопје-Блаце;
  46. Склучивме договори за изградба на експресен пат Штип-Радовиш и експресен пат Крива Паланка-Ранковце;
  47. Ја модернизиравме наплатната станица Романовце и ја забрзавме модернизацијата на патарините на Коридор 10;
  48. Ја интензивиравме изградбата на пругата кон Бугарија, делница Куманово-Бељаковце;
  49. Обезбедивме 70 милиони евра грант од ЕУ за изградба на пругата кон Бугарија делница, Бељаковце-Крива Паланка;
  50. Обезбедивме 60 милиони евра од ЕУ за изградба на пругата кон Бугарија, делница Крива Паланка-Деве Баир;
  51. Ја комплетиравме проектната документација за изградба на пругата кон Албанија, делница Кичево-Лин, граница со Албанија;
  52. Потпишавме договор со изведувач за изградба на пруга кон Грција, Битола-Кременица;
  53. Пуштивме во употреба 10 реконструирани железнички станици на Коридор 10;
  54. Го зголемивме коефицинетот на плати за машинскиот персонал во МЖ Транспорт - што доведе до зголемување на платите;
  55. Започнавме 8 проекти за изградба и реконструкција на водоводна и канализациона мрежа со заем од Европска инвестициона банка во вредност од 2,5 милиони евра;
  56. Обезбедивме грант од 5 милиони евра од  КФВ банката за изградба на водоводни системи во Гевгелија и Кавадарци;
  57. Обезбедивме 4 милиони евра грант од СЕКО (Швајцарска агенција за економска соработка) за доизградба на водовод во Гостивар;
  58. Обезбедивме буџетски средства за комунална инфраструктура;
  59. Почнуваме 20 проекти за изградба и реконструкција на канализациона и водоводна мрежа во вредност од  8,5 милиони евра, од заемот од ЕИБ;
  60. Доизградба на водоводна мрежа во Гостивар со грант од СЕКО во вредност од 4 милиони евра;
  61. Доизградба на водоводна мрежа во Кавадарци, Радовиш и Гевгелија  во вредност од 8 милиони евра (5 милиони грант и 3 милиони заем;
  62. Завршување на изградба на фекалната канализација за населеното место Сопиште и локалитет „Сончев град“;
  63. Доизградба на водоводен систем - Патишка река, општина Сопиште во вредност од 2,3 милиони евра;
  64. Довршуваме две станбени згради за лица од социјален ризик, една во Кочани со 39 станови и една во Македонски Брод со 10 станови;
  65. Продолжуваме со проектот за изградба на станбени згради за лица од социјален ризик и во Пехчево, Свети Николе, Виница, Пробиштип и Скопје, ги довршуваме зградите во Гостивар и Струмица;
  66. Обезбедивме финансиска поддршка за нискобуџетни авиокомпании за воведување нови дестинации (Од Скопје кон Малта, Рим, Варшава и Векше - Шведска);
  67. Воведена е авиолинијата Скопје-Доха и линијата Охрид-Истанбул;
  68. Распишуваме повик за финансиска поддршка за нискобуџетни авиокомпании за воведување нови дестинации за македонските граѓани;
  69. Донесовме измени во Законот за постапување со бесправно изградените објекти и ги продолживме роковите за легализација на дивоизградени објекти;
  70. Ги намаливме цените на услугите во Агенцијата за катастар за недвижности до 50%;
  71. Ја изменивме Уредбата за висината на цената на градежното земјиште во сопственост на Република Македонија со што се намали висината на цената по која се отуѓува градежното земјиште со непосредна спогодба, наменето за изградба на ученички домови, студентски домови, домови за престој на стари лица и самци, домови за деца без родители, за незгрижени лица;
  72. Обезбедивме 40 милиони евра за изградба на магистралните гасоводи Неготино-Битола и Скопје-Тетово-Гостивар и за решавање на проблемите со експропријацијата на земјиштето;
  73. Во тек се подготовки за изградба на магистралните гасоводи, Штип-Неготино, Неготино-Битола и Скопје-Тетово-Гостивар;
  74. Во 2018 година отпочнуваме со изградба на следните делници од секундарниот гасоводен систем: Гостивар-Кичево, Штип-Хамзали-Струмица-Гевгелија, Свети Николе-Велес, Штип (Вршаково)-Кочани-Виница;
  75. Во 2018 година отпочнуваме со постапка за поврзување на Интерконекциска врска помеѓу Македонија и Грција, Интерконекциска врска помеѓу Македонија и Бугарија и поврзување на ТЕЦ Неготино со магистралниот гасовод;
  76. Обезбедивме 8,6 милијарди денари за директна финансиска поддршка во земјоделството и за рурален развој - за производи со повисока додадена вредност, за модернизирање на агро-секторот и за развој на руралните средини;
  77. Постигнавме највисока просечна откупна цена на тутунот од 217 денари по килограм, при што обезбедивме највисоки субвенции до сега од 80 денари за прва класа, 70 за втора и 60 денари за трета и за дополнителните класи, на задоволство на 30.000 семејства и 100.000 граѓани кои живеат од тутунот;
  78. Обезбедивме 424 грантови за младите земјоделци од по 10.000 евра за да започнат сопствен агро-бизнис;
  79. Го враќаме во целост персоналниот данок на сите земјоделци, на кои земјоделството им е основна дејност и имаат приход до 1 милион денари во тековната година, со што околу 7 милиони евра повеќе пари ќе останат кај 65 илјади земјоделци;
  80. Ја одблокиравме исплатата на субвенциите и ги исплативме неисплатените субвенции за 2014, 2015 и 2016 година - за 2016 година за субвенции исплативме 110 милиони евра, на 94 илјади земјоделци;
  81. За субвенции за мерките од Програмата за 2017 година до сега исплативме 82 милиони евра, запазувајќи го законскиот рок за исплата до крај на јуни 2018;
  82. Го одблокиравме процесот за проценка и исплата на штети од временски непогоди за 2016 и 2017;
  83. Во 2017 година овозможивме дополнителна субвенција од 6 денари за килограм праски заради ниската откупна цена и дополнителна субвенција од два денари за килограм лубеници;
  84. Со ребалансот за 2017 година обезбедивме дополнителни 2 милиони евра повеќе за секторот земјоделство;
  85. Со измени на Програмата за директна поддршка во земјоделството и Програмата за рурален развој 2017 година обезбедивме нови 10 милиони евра за поддршка за земјоделците;
  86. Со измените на Програмата за финансиска поддршка во земјоделството за 2017 ги зголемивме субвенциите за производителите на ориз на 24 илјади денари по хектар со сертифициран материјал и 18 илјади денари по хектар без употреба на сертифициран материјал;
  87. Воведовме евтина зелена нафта, со која во земјоделството остануваат 5 милиони евра;
  88. Потпишавме договор за грант од 4 милиони евра со германската КфВ банка за отпочнување подготовки за проектот Јужно вардарска долина, втора фаза;
  89. Избравме 12 локации за спроведување на проектот со ФАО за консолидација на земјоделско земјиште, реализацијата на проектот е започната;
  90. Започнавме проект за развој на Земјоделски задруги (ЕУ), во вредност од 1,8 милиони евра;
  91. По втор пат после 8 години спроведовме авионско снимање на целата територија на Република Македонија, со што ќе се овозможи прецизна контрола во однос на површините кои земјоделците ги пријавуваат за субвенции;
  92. Ја зголемивме финансиската поддршка за промоција на домашните фирми на странски саеми (со вкупна поддршка од 500 илјади евра);
  93. Со Програмата за финансиска поддршка во земјоделството за 2018 година, овозможуваме 20 отсто повисоки субвенции за растително производство и 10 отсто за сточарско производство, за категоријата земјоделци со потенцијал за развој;
  94. Со Програмата за рурален развој 2018, определивме 10 милиони евра за капитални инвестиции во водостопанска инфраструктура (системи за наводнување и брани);
  95. Ги склучивме првите договори за мерката од ИПАРД, инвестиции во материјални средства за преработка и маркетинг на земјоделските и рибните производи;
  96. Донесовме методологија за процена на пазарна вредност на земјоделско земјиште во државна сопственост под оранжерии и објекти во функција на земјоделско производство (со што се создаде можност сопствениците на оранжерии да си го откупат земјиштето под оранжерии и објекти);
  97. Креиравме централизиран систем со кои сите подрачни единици на МЗШВ се поврзани со Агенцијата за катастар, за јасна евиденција на сите склучени договори за закуп на земјоделско земјиште, за да се знае кое земјиште е слободно;
  98. Спроведовме ревизија на процесот на давање државно земјоделско земјиште и ги раскинавме нерегуларните договори за 700 хектари земја;
  99. Формиравме работна група за системски измени во законот за земјоделско земјиште на основа на констатираните неправилности и земајќи ги предвид потребите на земјоделците. Го усвоивме Предлог-законот за финансиска поддршка на инвестициите, каде покрај странските и домашните инвеститори, свое место во законот добија и инвестициите од дијаспората, како инвестиции од значаен интерес за Република Македонија;
  100. Го усвоивме Предлогот-законот за финансиска поддршка на инвестициите, каде покрај странските и домашните инвеститори, свое место во законот добија и инвестициите од дијаспората, како инвестиции од значаен интерес за Република Македонија;
  101. Меморандум за разбирање меѓу Министерството за економија на Република Македонија и Министерството за енергетика на Република Бугарија во областа на енергетиката, за спојување на пазарите на електрична енергија;
  102. Усвоивме предлог Закон за енергетика со кој се транспонира третиот пакет на Директиви за внатрешен пазар на електрична енергија и природен гас и со кој се затворија отворените постапки пред Енергетската заедница;
  103. Подготвуваме нов Закон за енергетска ефикасност со кој се создаваат неопходните предуслови за воспоставување Фонд за енергетска ефикасност;
  104. Со Законот за финансиска поддршка на инвестициите обезбедивме поддршка за нови вработувања;
  105. Креиравме мерки за поддршка за воспоставување и унапредување на соработка со добавувачи од Република Македонија;
  106. Посебна поддршка за инвестициски проекти од значаен економски интерес;
  107. Мерки за поддршка за пораст на капитални инвестиции и приходи;
  108. Позитивни мерки за поддршка за откуп на средства од претпријатија во потешкотии;
  109. Поддршка за зголемување на конкурентност на пазарот;
  110. Стимулации за поддршка за освојување пазари и пораст на продажба;
  111. За привлекување на дијаспората во економскиот развој на Република Македонија нудиме 10% повеќе средства од предвидените, до 1.000.000 евра;
  112. Ја усвоивме Стратегијата за мали и средни претпријатија која опфаќа подобрување на бизнис климата, јакнење на конкурентноста и вложување во човечки ресурси и технологија;
  113. Обезбедивме дополнителни 16 милиони денари за реализација на мерки по однос на Програмата за конкурентност, иновативност и претприемништво од вкупно 12 милиони коишто беа предвидени за 2017 година;
  114. За 2018 година за оваа Програма обезбедивме вкупно 48 милиони денари од кои 65% од средствата се веќе реализирани;
  115. Собранието на Република Mакедонија, на предлог на Владата на РМ, го ратификуваше Дополнителниот протокол 5 за олеснување на трговијата во рамки на ЦЕФТА, кој овозможува олеснување во трговијата;
  116. Се работи на измена и дополнување на Законот за индустриски и зелени зони со цел истиот да стане функционален и атрактивен за инвестиции од страна на претпријатијата;
  117. Во Владина процедура е усвојувањето на Стратегијата за женско претприемништво преку кое ќе се стимулира самовработувањето на женската популација, ќе се развиваат вештините за водење бизнис и ќе јакне улогата на жените во носење на бизнис одлуки;
  118. Работиме на измена и дополнување на Законот за возила со кое се предвидува воведување на еколошка налепница и уредување на такси превозот преку издавање на жолти таблици.

 

РЕФОРМИ - БРЗИ И КОРЕНИТИ ПРОМЕНИ ЗА ДРЖАВА ПО ЕВРОПСКИ ПРАВИЛА

  1. Усвоена е Стратегија за реформа на правосудниот сектор за периодот 2017-2022 со Акциски план, преку широк консултативен процес и редовни консултации со Европската Комисија;
  2. Формиран е Совет за следење на имплементација на стратегијата во правосудството за период 2017 - 2022, со кој претседава премиерот;
  3. Обезбедена е целосна институционална поддршка на работата на СЈО, во согласност со соодветните закони;
  4. Се формираше работна група за увид во АКМИС, со што директно се постапува по извештајот на Прибе;
  5. Со подготви и донесе Законот за амнестија, со што се пристапи кон надминување на состојбата во затворите;
  6. Законот за укажувачите беше подготвен и донесен во Собранието.
  7. Беше укинат Советот за утврдување на факти и покренување на постапка за утврдување дисциплинска одговорност на судија, а се врати надлежноста на Судскиот совет на Република Македонија;
  8. Согласно Планот 3-6-9, во изминатиот период успешно заврши и подготовката на пакетот закони за воведување надворешен механизам со кој ќе се воведе контрола над полициските службеници;
  9. Законот за бесплатна правна помош со кој се овозможува сосема нов концепт и пристап до правдата беше доставен во владина и собраниска процедура;
  10. Беше формиран Одбор за обезбедување, следење и оценување на квалитетот на работите на медијацијата, со цел овозможување целосна имплементација на Законот за медијација;
  11. Го подобривме Законот за заштита од дискриминација за да ги заштитува сите;
  12. Воведовме флексибилно работно време и двосменско работење во службите на институциите кои издаваат лични документи, дозволи, лиценци и сл;
  13. Предложени и усвоени беа измени на Законот за административни службеници, со кои се поедноставува постапката за селекција и вработување, се овозможува побрзо напредување во кариерата, како и намалување на притисокот врз вработените;
  14. На почетокот на 2018 година усвоивме нова Стратегија за реформи во јавната администрација (2018-2022), преку широк консултативен процес, со учество на претставници од јавниот сектор, но и невладини организации, комори и синдикати;
  15. Ја зајакнавме довербата во полицијата и нејзиниот имиџ како заштитник и пријател на граѓаните;
  16. Започнавме со реализација на проектот „Маалски полицаец“;
  17. Спроведовме проект за подобрување на условите во полициските станици;
  18. Набавивме нови униформи за полицијата и дрегери;
  19. Спроведовме реформа на системот на следење на комуникациите;
  20. Ја зајакнавме внатрешната контрола и отпочнавме со проект за воспоставување надворешен независен механизам за контрола;
  21. Ги зајакнуваме капацитетите за борба против организираниот криминал и корупција.
  22. Започнавме со реформирање на УБК, со цел Управата да се деполитизира и да ја врати својата суштинска задача (разузнавањето и контраразузнавањето во интерес на државата);
  23. Ги зајакнуваме капацитетите за справување со тероризам и со насилен радикализам;
  24. Ги подобривме условите за служба и ги зголемивме платите на целокупниот персонал во Армијата за 10%;
  25. Воведовме измени во критериумите за прием на питомци на Воена академија, со цел да се избегне политизираност и пристрасност;
  26. Спроведовме конкурс за прием на професионални војници за потребите на АРМ, со што ќе ја зголемиме борбената готовност и ќе ги подобриме капацитетите на АРМ;
  27. Се приклучивме кон Програмата на НАТО за унапредување на образованието во одбраната, за да ги зајакнеме нашите одбранбени образовни институции, пред сѐ Воената Академија;
  28. Ги намаливме расходите за службени патувања и репрезентации за 7 милиони денари;
  29. Создадовме систем за пријавување родова дискриминација и вознемирување во АРМ;
  30. Спроведовме обука за градење интегритет на највисокото раководство во Министерството за одбрана;
  31. Развиваме нов Долгорочен план за развој на одбраната, за период 2019-2028, како и ревидиран План за опремување и модернизација на АРМ;
  32. Организиравме фер локални избори на кои граѓаните слободно се изјаснија;
  33. Создадовме демократски медиумски амбиент преку укинување на владиното  рекламирање, за да се оневозможи политичко влијание врз медиумите и пропаганда преку купување медиумски простор со трошење на парите на граѓаните;
  34. Обезбедуваме демократски комуникациски сервис, со единствен и еднаков пристап кон сите медиуми, без повластувања и ексклузиви, каде што новинарот е на прво место и сите поставени прашања се одговараат навремено и квалитетно;
  35. Развиваме протоколи за јавни комуникации и јавна комуникациска стратегија, наместо трошење милиони евра за владини реклами и пропаганда;
  36. Организиравме отворени дебати за измени на законите за медиуми, аудио и аудио визуелни медиумски услуги и за можностите за поддршка на печатените медиуми;
  37. Спроведуваме активна транспарентност со редовно објавување дневни редови и записници од владините седници;
  38. Воведовме пракса на објавување и ажурирање на 21 документ од јавен интерес од страна на министерствата и другите институции, со цел унапредување на примената на Законот за слободен пристап до информации од јавен карактер;
  39. За да ја зголемиме отчетноста кон граѓаните, објавуваме информации за службените трошоци на министрите, замениците министри и државните секретари;
  40. Ги декласифициравме сите информации за службени патувања, репрезентации и за договорите за доделување државна помош;
  41. Со измени во законот за слободен пристап до информации од јавен карактер овозможивме бесплатно давање информации од јавен карактер на сите баратели на информации на УСБ или преку е-маил;
  42. Обезбедивме бесплатни услуги од Централниот регистар и Агенцијата за катастар на недвижности за истражувачко новинарство;
  43. Го зголемивме рокот за коментирање на ЕНЕР од 10 на 20 дена. Секој граѓанин има поголема можност да учествува во создавањето на законските решенија;
  44. Започнавме со изработка на Адресар на граѓански организации кој ќе овозможи целосно инклузивен и неселективен пристап од страна на институциите во соработката со граѓанските организации;
  45. Спроведовме серија консултативни средби со граѓански и медиумски организации за досега спроведените активности во рамки на Агендата за транспарентност, а сите предлози за нејзино унапредување се земени предвид при преземање на идни чекори;
  46. Формиран е Национален ИКТ совет кој во моментот спроведува проценка за ИТ инфраструктурата/ вработеноста на ИТ кадарот во администрацијата (во сите 1299 институции);

 

СЕ ГРИЖИМЕ - КВАЛИТЕТНИ УСЛУГИ БЛИСКУ ДО ТЕБЕ

  1. Изготвивме Закон за стечајци, со чие усвојување се решава животното прашање на околу 5.000 стечајци;
  2. Со Младинска гаранција го зголемуваме опфатот и вклучувањето на младите невработени лица на пазарот на трудот (пилот фаза во три општини - Скопје, Гостивар и Струмица);
  3. Воведовме мерки за унапредување на правата на лица со попреченост со измени во Законот за социјална заштита;
  4. За првпат усвоивме програма за персонална асистенција на лица со попреченост, целосно финансирана од Буџетот;
  5. Донесовме програма за ослободување од здравствена партиципација за деца од семејства-корисници на социјална помош;
  6. Обезбедивме капитални инвестиции во социјална заштита: за дневен центар за лица со Даунов синдром; за проширување на капацитетите и подобрување на условите на дневниот центар за аутизам во Заводот за рехабилитација на деца и младинци - Топанско поле, за центар за лица со церебрална парализа, за дополнителни 3 нови дневни центри во Македонска Каменица, Велес, Македонски Брод;
  7. Обезбедивме средства за нови 138 вработувања во центрите за социјална работа;
  8. Формиран е специјализиран тим за постапување по итни предмети од ранливи категории при ЈУ Меѓуопштински центар за социјална работа на Град Скопје;
  9. Отворени се три нови регионални преноќувалишта за бездомни лица во Битола, Струга и Струмица, а се проширија капацитетите на постоечкиот центар "Момин Поток" во Скопје;
  10. Овозможивме лицата кои заради примени пари по брз трансфер, го изгубиле правото на социјална помош, да може повторно да аплицираат;
  11. Ги реконструиравме 30-те центри за социјална работа коишто опслужуваат повеќе од 200 илјади граѓани во социјален ризик;
  12. Спроведуваме деинституционализација - минимум 12 нови мали групни домови (за трансформација на институции за згрижување на деца со воспитни проблеми како 25 Мај, Демир Капија и Бања Банско);
  13. Го решаваме проблемот на околу 3000 лица неевидентирани во Матичната книга на родени - објавен е повик од Управата за водење на Матични книги за пријавување на лица кои не се евидентирани во Матичната книга на родени;
  14. Отворивме градинки во Врапчиште и Старо Нагоричане, наскоро ќе профункционираат објектите во Зрновце, Прилеп, Чашка, Караслари - Велес, а привршуваат и процедурите за градинките во Маврово Ростуше, Прељубиште, Куманово и Кавадарци. Во текот на 2018 година ќе се изгради или адаптира соодветен простор за предучилишни установи и во Кривогаштани, Чешиново - Облешево, Чучер Сандево, Горобинци, Кравари-Битола, Марена-Кавадарци, Конче, Валандово, Пробиштип, но и во други места низ државата за кои што општините ќе подготват соодветни проекти;
  15. Воведовме двосменско работење на градинките;
  16. Самохраните родители ги ослободивме од плаќање надоместок во градинки;
  17. Ја ратификувавме Истанбулската конвенција и ја засиливме борбата за искоренување на насилството врз жените и домашното насилство;
  18. Подготвуваме нов закон за социјална заштита со кој ќе се даде основа за воведување минимален адекватен приход;
  19. Обезбедивме средства за усогласување на пензиите согласно трошоците за живот и за 2018 година;
  20. Правиме анализи за воведување државна социјална пензија за лица кои имаат над 65 години, не остваруваат услови за старосна пензија и немаат никакви други приходи;
  21. Одблокиран е софтверот за исплата на субвенции и за аплицирање за субвенции за 2017 година;
  22. Во еден ден исплатени 25 милиони евра за субвенции за тутунот од реколтата 2016 и околу 2,3 милиони евра за субвенции за пчелни семејства;
  23. Во еден ден се исплатија 22 милиони евра или околу 80 отсто од субвенциите за тутунот од реколтата 2017 за 20.880 тутунари. Дополнително се исплатија уште 3,9 милиони евра, со што вкупната исплатена сума достигна 26 милиони евра за 24.708 тутунари;
  24. За прв пат, во мај месец реализацијата на исплатата на субвенциите за мерките од Програмата за финансиска поддршка во земјоделството 2017 е 6 милијарди денари. Се движиме со динамика која што гарантира навремена исплата во законскиот рок, до 30-ти јуни;
  25. Пред почетокот на новата производствена реколта, лозарите ги добија субвенциите за одржување на лозови насади, исплатени се над 600 милиони денари по овој основ;
  26. Обезбедени се 15 милиони евра преку ИПА 2019 за финансирање во секторот земјоделство;
  27. Започна потпишувањето на договори за спроведување на инвестиции преку ИПАРД 2, досега се потпишани 88 договори со вкупна инвестициска вредност од над 5,3 милиони евра;
  28. Со измена на Законот за земјоделско земјиште ги ослободуваме младите од плаќање на закупнина во првите 3 години, дополнителни бенефиции младите земјоделци имаат и преку Програмата за директни плаќања 2018;
  29. Донесени измени и дополнувања на Законот за земјоделство и рурален развој во коишто е вклучена мерката за евтина зелена нафта, со ова во земјоделството остануваат 5 милиони евра;
  30. За добивање субвенции се одложува условот на должници за јапонската помош и кон УЈП;
  31. Со измените на Законите за ловство и за рибарство и аквакултура, се укина електронското полагање на ловечки испит и испитите од областа на рибарството, а со тоа комплетно се поедноставува и забрзува целата процедура за полагање на испитите;
  32. Закон за консолидација на земјоделско земјиште е поминат на прво читање на комисиска и пленарна седница во Собрание;
  33. Со огласите за давање државно земјоделско земјиште под закуп што се објавија во 2018 година, склучени се 26 договори до три хектари со вкупна површина од околу 47 хектари, а за огласот над 3 хектари се очекува да се склучат 16 договори со вкупна површина од околу 342 хектари;
  34. Објавен е јавниот повик за изведувач за системот Програма за наводнување на јужната долина на Вардар фаза 2, за што од германската банка „KfW“ МЗШВ доби грант од 4 милиони евра;
  35. Започна спроведувањето на проектот со ЕУ за еколошки системи за наводнување, за што веќе се избрани 8 локации, а на 3 веќе се врши проектирање за што се обезбедени 3,2 милиони евра;
  36. Се гради браната Конско;
  37. Изградба на браната Речани;
  38. Изградба на систем за наводнување Равен Речица;
  39. Изготвување на техничка документација за браната река Слупчане;
  40. Завршува санацијата на Брана Пишица;
  41. Изградба на систем за наводнување на хидросистем Злетовица, втора и трета фаза;
  42. Во владина постапка е Законот за советодавен систем (подобри советодавни услуги за земјоделците);
  43. Во фаза на донесување е Закон за производи за заштита на растенија (намалена употреба на пестициди, а поголема употреба на агротехнички мерки, со цел безбедност на здравјето на граѓаните);
  44. Се подготвува нов Закон за тутун и тутунски производи во интерес на тутутнопроизводителите;
  45. Се објави и во тек е огласот за давање на државно земјоделско земјиште под закуп над 3 хектари за земјиштето на поранешниот агрокомбинат „Џумајлија“, со којшто се распишани 907 хектари плодна земја поделена во 10 блока, со олеснети услови;
  46. Се подготвува наменски оглас за давање на државно земјоделско земјиште под закуп за сточарите, затоа што домашното производство на добиточна храна е најевтино;
  47. Се ослободија 11.000 хектари земја, целосно чисти и оформени во блокови за посериозни инвестиции и привлекување странски инвестиции;
  48. Се подготвува повик за откупување на земјоделското земјиште под објектите за земјоделска намена, односно оранжериите, помошните објекти и објектите за примарна обработка на земјоделски производи;
  49. Во тек е функционална анализа на поставеноста на Министерството за земјоделство, шумарство и водостопанство и на органите во состав на Министерството, со цел ефикасно спроведување на политиките и услугите на граѓаните;
  50. Акредитирање на нови мерки за ИПАРД Програмата (ЛИДЕР, рурална инфраструктура и советодавни услуги);
  51. Издадени решенијата за Локални акциски групи;
  52. Ја донесовме „Националната стратегија за заштита на природата (2017-2027)“ и „Националната стратегија за биолошка разновидност (2018-2023)“;
  53. Во ноември 2017 година започна со реализација ИПА Твининг проект „Зајакнување на капацитетите за ефективна имплементација на ЕУ законодавството од областа на заштита на природата“;
  54. На 12 јули 2017 година започна ЕУ/УНДП проектот: „Унапредување на управувањето со заштитените подрачја“;
  55. Започна со реализација проектот Втора фаза од програмата за зачувување на природата во Македонија, финансиран од Швајцарската агенција за развој и соработка (SDC);
  56. Во ноември 2017 година заврши проектот Заштита и одржлива употреба на биолошка разновидност во Преспанско, Охридско и Скадарско Езеро (CSBL);
  57. Завршија преговорите за потпишување меморандум за соработка за иницијативата за формирање Фонд за природа Преспа-Охрид (ПОНТ);
  58. Во делот на валоризацијата на природното наследство се продолжи со изработка на Студија за валоризација на природни вредности на Шар Планина, како и други природни реткости;
  59. Собранието на Република Македонија го ратификуваше Договорот од Париз во ноември 2017 година, со што ја потврди својата заложба за приклучување кон глобалните напори за намалување на климатските промени, а исто така го усвои и Вториот двогодишен извештај за климатски промени кој содржи најнови податоци и анализи за емисиите и апсорбентите (понирања) на стакленички гасови (GHG);
  60. Во изминатите десет месеци се донесе целокупната планска документација за 7 од 8-те плански региони во РМ за воспоставување интегрален систем за регионално управување со отпад, а се постигна и политички договор помеѓу Владата на РМ и Локалната самоуправа за воспоставување на наведениот систем;
  61. Формирана е Интерсекторска работна група за воздух, обезбедено е возило за одржување на мониторинг станиците и мобилна станица за квалитет на амбиенталниот воздух;
  62. Отпочна проектот финансиран од Швајцарската Влада, а имплементиран од UNDP за „Намалување на ризикот од поплави во Полошкиот регион“. Проектот се реализира во наредните четири години (од ноември 2017 до декември 2021);
  63. Изградба на дел од водоснабдителен систем за Општина Липково во висина од 138 милиони денари, обезбедени од буџетот на РМ;
  64. Изградба на дел од фекална канализација за Општина Арачиново во висина од 35 милиони денари, обезбедени од буџетот на РМ;
  65. Изградба на главен фекален и секундарен колектор во Општина Кочани во висина од 90 милиони денари, обезбедени од буџетот на РМ, како и изградба на пречистителна станица за отпадни води финансирана од Швајцарската Влада, во висина од 1 милијарда денари;
  66. Во март 2018 година е пуштена во употреба пречистителна станица за отпадни води во Општина Кичево, за 48.000 еквивалент жители и 4.7км колектор за одведување на отпадните води до Пречистителната станица за отпадни води. Вкупната вредност на проектот е 8.254.355 евра;
  67. На 18 декември 2017 година пуштена е во употреба пречистителната станица за третман на урбаните отпадни води во Струмица, со капацитет од 53.000 еквивалент жители. Вкупната вредност на проектот е 6.910.876 евра;
  68. Во декември 2017 година заврши проектот Рехабилитација и проширување на канализациона мрежа во Општина Берово. Вкупната вредност на проектот е 3.863.186 евра;
  69. Во декември 2017 година заврши проектот Рехабилитација и проширување на канализациона мрежа во Куманово. Вкупна вредност на проектот 4.323.224,55 евра;
  70. Во февруари 2018 година започна со реализација проектот “Подобрување на инфраструктурата за отпадни води во градот Скопје”. Проектот е во приближна вредност од 10 милиони евра;
  71. Ги зголемивме годишните средства за рамномерен регионален развој за над 50%, со транспарентни механизми за рамномерна распределба на средствата, со цел да се стимулира локалниот економски развој и да се намалат регионалните разлики;
  72. Во Буџетот на Република Македонија за 2018 година, средствата за рамномерен регионален развој се во износ од 328.873.000 денари, што претставува зголемување за 101 милион денари во однос на 2017 година, кога за таа намена беа утврдени 227.691.000 денари;
  73. Го спроведуваме проектот „Одржлив и инклузивен рамномерен регионален развој“, во соработка со Владата на Швајцарија, која за негова имплементација донира 2.539.997 CHF за периодот 2017-2020 година, додека од Буџетот на Министерството за локална самоуправа се кофинансираат средства во износ од 1.269.440 CHF, за истиот период;
  74. Започнавме со реализација на проектот Подобрување на општинско управување, финансиран од Европската Унија во вредност од 2,3 милиони евра (Проектот го имплементира Програмата за развој на Обединетите нации (УНДП);
  75. Подготвуваме измени и дополнувањата на Програмата за одржлив развој и децентрализација 2015-2020, како и на нов Акциски план за периодот 2018-2020;
  76. Работна група во којашто членуваат претставници од надлежните министерства и ЗЕЛС работи на редефинирање на начинот и критериумите за распределба на наменските и блок дотациите за општините со цел да се обезбеди предвидлива и транспарентна распределба на средствата наменети за обезбедување на функциите на основните и средните училишта, детските градинки, јавните домови за грижа на стари лица и на локалните установи од областа на културата;
  77. Организиравме одмор за 3000 семејства на работници со ниски примања, чии приходи не надминуваат 22 илјади денари во семејство, преку субвенција во вредност од 15 илјади денари, за користење на одмор, вон сезона во еден од категоризираните угостителски објекти за сместување во Република Македонија;
  78. Ги преполовивме наследените долгови за ученичките и студентските домови;
  79. Подготвен е и изгласан нов Закон за високото образование кој ја враќа автономијата на универзитетите и кој е предуслов за подигнување на квалитетот на образованието, се подготвуваат промени на Законите за основното и средното образование;
  80. Подготвен е Закон за Математичко-информатичката гимназија, кој ќе овозможи формирање и функционирање на првата Математичко-информатичка гимназија за талентирани ученици;
  81. Започнавме со ревизија на образовниот систем и наставните програми и планови за основното образование од 1-3 одделение;
  82. Започнавме со ревизија на учебниците во основното образование, што за крајна цел има да овозможи квалитетни учебници за учениците, ослободени од дискриминација, предрасуди и грешки;
  83. Започнавме со реформа на средното стручно образование, во насока на усогласување на стручниот кадар кој произлегува од училиштата со потребите на пазарот на трудот, како и подобрување на средината за учење и квалитетот на стручното образование и обука;
  84. Подготвивме нова Стратегија за образованието 2018-2025 која се темели на јасно утврдување на главните предизвици во образованието и дефинирање на приоритетите на кои како Влада ќе бидеме фокусирани во периодот што следи;
  85. Го ревидиравме списокот за лектири за основното образование, за кој е доставен предлог и во тек е јавна дебата;
  86. Со намалување на цените на 50 проценти од лековите на рецепт, од оваа пролет се заштедуваат 2.381.600 евра пари на граѓаните;
  87. Проекциите на економски раст, на консолидација на буџетските приливи, ќе ни овозможат реализација на мерката за ослободувањето од партиципацијата за болничко лекување за сите граѓани;
  88. Формиран е нов Комитет за имунизација во проширен состав и за прв пат набавивме вакцини против сезонски грип за бесплатна вакцинација на старите лица;
  89. Во Програмата за јавно здравје за 2018 година воведени се превентивни прегледи од страна на физијатар за рана дијагноза на деформитети на рбет кај деца на училишна возраст;
  90. Почнувајќи од 2018 година Владата на Република Македонија и Министерство за здравство, целосно ја презедоа обврската за целосно финансирање на Националната програма за ХИВ, која досега беше кофинансирана од Глобалниот Фонд;
  91. Осовременување на Календарот за имунизација со менување на две постоечки вакцини и воведување на вакцинација против стрептококус пнеумоние и вакцинација против рота вируси како задолжителни вакцини, а со тоа заштита на децата од тешки заболувања со компликации предизвикани од овие причинители;
  92. Донесовме Протокол за лекување на деца зависници од психоактивни супстанци.
  93. Во постапка е формирање на Национално координативно тело (Кризен штаб) со задача да врши координација, да предлага мерки и да го следи спроведувањето на истите, при итни, кризни состојби и катастрофи од областа на здравството;
  94. Со измена на Законот за медицински студии и континуирана медицинска едукација ја укинувaме обврската на Mинистерството за здравство за подготовка на годишен план за едукација на 1000 лица во странство, со што обврската е сега на јавните здравствени установи согласно потребите;
  95. Реализиран е третиот оглас за кофинансирани специјализации и отпочнати се 12 кофинансирани специјализации по гинекологија и акушерство со цел обезбедување матични гинеколози во средини каде ги нема;
  96. Формирана е нова Национална комисија за ретки болести со вклучени експерти од сите Универзитетски клиники каде се лекуваат пациенти со ретки болести и во тек е постапка за јавна набавка на сите потреби лекови за ретки болести, за што се обезбедени 400.000.000,00 денари;
  97. Министерството за здрaвство се одлучи за намалување на бројот на директори, со што на годишно ниво само за плати на организациските директори во 40 здравствени установи се очекува значително намалување на вкупните трошоци;
  98. Во буџетот на Министерството за здравство за 2018 година обезбедени се вкупно 221.000.000 денари за набавка на медицинска опрема за потребите на ЈЗУ;
  99. Обезбедуваме хибридна сала во која ќе се применува комбинација на ендоскопска и отворена хирургија или обратно;
  100. Во буџетската 2018 година набавуваме мамографи за ЈЗУ ЗД Скопје, ОБ Куманово, ЗД Крива Паланка и КБ Битола;
  101. Потпишан е меморандум меѓу владите на Македонија и Бугарија за намалување на меѓународните тарифи за роаминг во телекомуникациските услуги;
  102. Примени се нови 125 професионални војници во АРМ;
  103. Преку широк консултативен процес изготвивме Стратегија за културен развој за наредните 5 години (2018-2022) и Акциски план (2018-2022), кои беа усвоени од Владата на Република Македонија;
  104. Подготвивме законски измени со кои решаваме значајни проблеми и водиме системска грижа за одржливост и развој во културата и уметноста на подолг рок;
  105. Преку конкурсот за „Новиот културен бран“ успеавме да мотивираме организирање на повеќе од 100 културно-уметнички настани во земјава и да ја заживееме независната културна сцена;
  106. Ги отворивме вратите на културните установи и на Министерството за култура за соработка со граѓанскиот сектор и со независната културна сцена;
  107. Постигнавме голем успех на меѓународната културна сцена - го отворивме Центарот за културна соработка на Иницијативата „16+1“ за соработка меѓу земјите од Југоисточна Европа и НР Кина;
  108. Спроведовме итни интервенции во Чифте амам, Даут-пашин амам и во Музејот на Македонија за заштитата на запоставеното бесценето културно наследство од поројните дождови;
  109. Поведовме процес за заштита на струмичката фреска „Св. 15 Тивериополски маченици“, една од најстарите во нашиот регион, со години оставена на милост и немилост на временските услови;
  110. Започнавме интензивни активности за заштита на црквата „Св. Ѓорѓи“ во Курбиново;
  111. Во 2018-та спроведуваме ревизија и бришење од регистарот на сите незаконски запишани споменици и објекти од т.н. проект „Скопје 2014“, кои по својата природа не можат да претставуваат културно наследство;
  112. Формирана е Комисијата за управување со светското природно и културно наследство во Охридскиот регион, составена од 22 институции и државни органи на централно и локално ниво, која 8 години не била формирана иако законот го предвидува тоа; Комисијата веќе одржа две седници и започна со реализирање на мерките кои треба до крајот на годината да ги унапредат состојбите и придонесат за позитивно вреднување на нашите напори од Светската организација.
  113. Владата донесе одлука со пакет од 11 мерки за унапредување на македонскиот јазик;
  114. Беа подготвени и усвоени законски измени во Законот за употребата на македонскиот јазик;
  115. Беше избрана Комисијата за спроведување на испитот за лектор, како и други акции со кои се деблокираше процесот за полагање на лекторскиот испит;
  116. Овозможивме подобри услови за заштита и унапредување на македонскиот јазик во јавната комуникација;
  117. Почнуваме со темелни реформи и унапредување на работничките права на уметниците и културните работници преку подготовка на колективниот договор за вработените во културата;
  118. Го реформираме системот на финансирање на Националните установи, за да добиваат резервиран буџет, врз основа на стратешки план за период од три години;
  119. Спроведени се тендерски постапки во повеќе национални установи, започнува реконструкција на покриви во повеќе театри и центри за култура низ земјава;
  120. Наодите на елаборатот на работната група на Министерството за култура за споменикот на А.Ј.Ќосето беа спроведени од надлежните органи и нелегалниот споменик е отстранет;
  121. Подготвени се повеќе елаборати за објекти и споменици од таканаречениот Проект Скопје 2014;
  122. Спроведовме јавна расправа за инцијативата за ревитализација на музичката продукција на МРТ, која беше прифатена со акламација од сите музички работници во земјата. Владата го усвои заклучокот со кој се задолжуваат надлежните министерства и институции да продолжат со спроведување на овој процес;
  123. Со навремено исплаќање на долговите за изградбата на Македонската филхармонија спречивме казнени камати од стотици илјади евра и добивме вредна донација - врвно пијано Стенвеј во вредност од 170 илјади евра од компанијата Штрабаг;
  124. Помогнавме да се надмине ситуацијата со недостаток на простор и средства и успеавме годинава без никакви попречувања да се одржи 30. јубилејно издание на Саемот на книга, со бесплатни посети за ученици и средношколци;
  125. Неколку научни и културни установи реализираа проекти за дигитализација на нашето музичко и литературно творештво;
  126. Со Град Скопје потпишано е писмо за намери за реконструкција на Универзалната сала, почнуваат подготовките на документацијата, изградбата ќе започне во 2019 година;
  127. Го промовиравме значајното палеонтолошко откритие - фосилни остатоци од изумрен вид на слон во Долни Дисан, што го привлече вниманието на повеќе значајни светски медиуми (Дејли Мејл, Чикаго Трибјун, Бизнис Инсајдер, итн...);
  128. Со Казнено поправната установа „Затвор Скопје“ потпишавме меморандум за соработка, со кој се адресираат препораките на ЦПТ на Совет на Европа и се предвидуваат активности за унапредување на културно-уметничките содржини за затворениците како една од најранливите категории граѓани;
  129. Македонија стана формална членка на ТРАДУКИ. На првиот состанок на мрежата на кој учествуваме како полноправна членка веќе се обезбедени средства за повеќе нови проекти на македонските издавачи;
  130. Во Давос е потпишана декларацијата за Баукултур - култура на изградба;
  131. Договорено е значајно присуство на македонските уметници идната година во Пловдив, кој ќе биде културна престолнина на Европа за 2019 година;
  132. Македонија има одличен проект на Биеналето на архитектура во Венеција, со визии за справување со наследството од Скопје 2014;
     

МАКЕДОНИЈА - ЕДНО ОПШТЕСТВО И ЕДНО СЕМЕЈСТВО ЗА СИТЕ, СИТЕ СЕ ГРАЃАНИ ОД ПРВ РЕД

  1. Со политиката „Едно општество“ ги намаливме поделбите и ја зголемивме довербата меѓу заедниците;
  2. Реализиравме тематска владина седница посветена на младински политики на која на предлог на младинските организации беа оформени работни групи и тоа: 
    Работна група за препознавање на младинската работа, работна група која ќе го дефинира ко-менаџмент телото за координација помеѓу младинските организации и институциите и за структурен дијалог, работна група за сеопфатно сексуално образование, работна група за средношколско демократско организирање , работна група за студентско демократско организирање, работна група за мапирање зелени работни места и нивно поврзување со невработеноста на младите во земјава и работна група за изработка на програма за сеопфатна грижа и лекување на малолетни корисници на психоактивни супстанци.
  3. Ја подобривме климата за соработка и вклучување на граѓанското општество како партнер во демократизацијата на општеството;
  4. Донесовме Закон за употреба на јазиците, со кои ќе се прошири употребата на службениот јазик што го зборуваат најмалку 20% од граѓаните, согласно Уставот и Амандманот V и ги зголемивме можностите на граѓаните да комуницираат со државните институции на својот мајчин јазик и со тоа полесно и поефикасно да ги остварат своите уставни права;
  5. Законот за употреба на јазиците целосно ја гарантира и соодветната употреба на македонскиот јазик, но и на другите јазици кои се во службена употреба во одредени единици на локална самоуправа (албански, турски, ромски, српски, влашки и бошњачки);
  6. Презедовме серија мерки за заштита на културното наследство на Република Македонија и за заштита и унапредување на македонскиот јазик;
  7. Издадовме електронска верзија на Правописот на македонскиот јазик, бесплатна верзија, за прв пат достапна до сите;
  8. Фондот за македонски јазик ќе ги поддржи отворањето на нови и одржувањето на лекторите по македонски јазик на странските универзитети во ЕУ, особено земјите-основачи на ЕУ, како и во САД, Канада, Австралија и Руската Федерација;
  9. Овозможивме Семинарот за македонски јазик, литература и култура да прерасне во Македонистички центар „Македоникум“ преку кој ќе се стипендираат поголем број странци што би дошле да ги изучуваат македонскиот јазик, нашата литература и култура;
  10. Мерките за унапредување на состојбата со македонскиот јазик предвидуваат и основање на Фонд за поддршка на издавачката дејност на нови и повторно издавање на научните дела посветени на македонскиот јазик од сите области;
  11. Од мерките треба да произлезе и основање фонд за стипендирање на студирањето на македонски јазик на универзитетите во Република Македонија и ревизија на наставните планови и програми по македонски јазик на сите рамништа на образованието;
  12. Отстранета опасноста Охридскиот регион да го загуби статусот на светско наследство на УНЕСКО;
  13. Ја заштитивме галеријата на икони во Музејот на Македонија;
  14. Презедовме и акција за целосна заштита и конзервација на Скопскиот аквадукт и создавање на еден пријатен амбиент со повеќе придружни рекреативни и културни содржини;
  15. По повод одбележувањето на 109-годишнината на Албанската азбука во Битола се реализираа различни активности (свечено отворање на уметничка колонија, отворање на Научна Трибина и Гала Концерт);
  16. Владата на РМ ја одобри информацијата за формирањето на Албанскиот државен ансамбл;
  17. Планот за распределба на 958 од вкупно 1600 административни службеници вработени во ССРД беше усвоен во Влада;
  18. Престана потребата од конзилијарно мислење и наод од најмалку 3 лекари за остварување на правото за паричен надоместок за помош и нега од друго лице;
  19. Правото на паричен надоместок за помош и нега од друго лице, додатокот за мобилност, слепило и глувост се остваруваат без оглед на висината на приходите на лицето кое има потреба од истото;
  20. Надоместокот за скратено работно време на родители на деца и лица со попреченост се остварува без оглед на возраста на лицето;
  21. Правото на посебен додаток до 26 години по автоматизам преминува во право на помош и нега од друго лице;
  22. Со законски измени се обезбеди скратеното работно време за родителите на деца со попреченост да продолжи и после 26 години;
  23. За првпат е усвоена Програма за персонална асистенција на лица со попреченост, целосно финансирана од Буџетот;
  24. Донесовме Програма за ослободување од здравствена партиципација за деца од семејства-корисници на социјална помош;
  25. Поддржавме основање на Дневен центар за лица со Даунов синдром; 
  26. Формиран специјализиран тим за постапување по итни предмети од ранливи категории при ЈУ Меѓуопштински центар за социјална работа на Град Скопје;
  27. Го решивме проблемот на околу 3000 лица неевидентирани во Матичната книга на родени;
  28. Пристапивме кон изработка на Националната стратегија за соработка со дијаспората;
  29. Oтворање канцеларии за соработка со дијаспората во општините во Република Македонија. Првата канцеларија се отвора во Општина Штип.

 

ЧЕКОРИМЕ КОН НАТО И ЕУ, РЕШАВАМЕ СПОРОВИ, ГО ЈАКНЕМЕ ИДЕНТИТЕТОТ

  1. Владата на Република Македонија продолжува да разговора со Владата на Република Грција за дефинитивно решение на 25-годишниот спор;
  2. Никогаш не сме биле поблиску до решение, а пријателството меѓу двете земји и двата народи никогаш не било поголемо;
  3. Mакедонскиот јазик е потврден. Идентитетот наш македонски е зајакнат;
  4. Конечниот глас за потврда на предлог решението граѓаните ќе го потврдат на референдум;
  5. Македонија после решавање на спорот околу името веднаш ќе стане членка на НАТО и со тоа уште позабрзано и поодлучно ќе ги отвори портите на ЕУ и ќе се обезбеди просперитет, стабилен и добар живот за нашиот народ;
  6. Обезбедивме за 15% поголем буџет за одбраната за модерна и мотивирана Армија;
  7. Со новата Стратегија за проширување, Европската комисија ја потврди европската иднина на Република Македонија како дел од политичката структура на Европската Унија и препорача Европскиот Совет да определи датум за старт на преговорите за членство во ЕУ;
  8. По потпишувањето на договорот за пријателство со Бугарија, трговијата меѓу двете земји порасна за 11.5%;
  9. Реализиравме огромен број работни посети во странство од страна на претставници на Владата на Република Македонија;
  10. Средба на министерката Шекеринска со американскиот секретар за одбрана Матис. Ова е прва средба на македонски министер за одбрана со американски колега по 6 години;
  11. Стратегискиот одбранбен преглед е во финална фаза, во согласност со НАТО стандардите. Ова е прв стратешки документ во одбраната по 2004 година;
  12. Во месец мај реализирани се билатерални консултации со НАТО и прифатен е нов пакет на Партнерски цели - ПЦ 2018 за РМ;
  13. Презедовме мерки за системско и систематско справување со затекнатите состојби во МНР, преку воспоставување систем, со кој на принципиелен начин ќе се надминат неправдите, недоследностите и пропустите во сите области на функционирање;
  14. Изработена е функционална анализа во МНР и се работи на реформи со помош на странски експерти, како пилот проект што се изведува во рамки на проектот за реформа на јавна администрација на МИОА;
  15. Организиравме и спроведовме обуки за стекнување со повисоко дипломатско звање (за секретарските звања);
  16. Спроведовме редовна постапка за избор на дипломати за пополнување на 24 места во ДКП (16 за високи и 8 за секретарски дипломатски звања);
  17. Формиравме неколку комисии за утврдување на фактичката состојба и евентуални злоупотреби во повеќе области на работењето на МНР и ДКП-ата;
  18. Обезбедивме грант од Кралството Норвешка за проект за изработка на систем за процесирање на класифицирани информации во Министерството за надворешни работи.
  19. Министерството за надворешни работи проектираше и обезбеди буџет за 2018 година за санација на објектите на Амбасадите во Берлин и Рим, во тек е изготвување на проектна документација за градба на објект во Атина;
  20. Со поддршка на ЕУ фондовите потпишан е Договор од страна на ДЕУ за 2 нови ИПА проекти од областа на „Заштита на потрошувачи„ и „Надзор над пазарот“;
  21. Потпишан Договор од страна на ДЕУ за проектот “Техничка поддршка за развој на политиката на заштита на потрошувачите”, каде што краен корисник е Министерство за економија (Сектор за внатрешен пазар) со поддршка на ИПА фондот;
  22. Потпишан Договор со Директоратот за проширување на ЕУ за проектот „Хармонизација на правната рамка и градење на капацитетите за надзор на пазарот во врска со Поглавјето 1“;
  23. Во областа туризам, се реализира ИПА проект со Централизиран пристап и се води од страна на Светска Банка каде што Министерството за економија преку Секторот за европска интеграција и Секторот за туризам се иницијатори за овој проект;
  24. ЕУ ИПА фондовите овозможија потпишување на 4 договори со 4 општини (проекти за развој на туризмот) и тоа со Општина Вевчани, Општина Чаир, Општина Босилово и Општина Крушево од првиот повик;
  25. На 16.03.2018 година објавен е вториот повик за апликации на останатите заинтересирани општини, невладинот сектор и приватниот сектор во вредност од 14 милиони евра во форма на грант од ИПА фондовите;
  26. Започнаа подготовките за премин во втората фаза на Спогодбата за стабилизација и асоцијација (ССА), преку информирање на Владата и ресорните министерства околу новите моменти, можностите и обврските кои ќе произлезат со преминот во втора фаза од Спогодбата за стабилизација и асоцијација;
  27. Изготвен е посебен ИПА мастер план, чија цел е засилен мониторинг и координација на активностите во насока на унапредување на искористеноста на средствата од ИПА;
  28. СЕП направи анализа и даде препораки претседавањето на секторските работни групи да биде од страна на министрите од надлежните министерства.  Во периодот февруари-мај 2018 година, министрите ја преземаа оваа функција и организирани се по два состанока во секторите земјоделство и рурален развој, образование, вработување и социјална политика и во конкуретност и иновации заради тековното програмирање на околу 50 милиони евра за 2019 година; 
  29. Во изминатиот период беа одржани состаноци на Заедничкиот мониторинг комитет и три состанока на Секторските мониторинг комитети за правда и внатрешни работи и конкуретност, иновации, земјоделство, безбедност на храна, ветерина и фитосанитарна политика како и за ИПАРД. Важноста на овие форуми произлегува од следењето на ефикасноста и ефективноста во користење на ЕУ помошта;
  30. Преку Инструментот за инвестициска рамка за Западен Балкан во изминатата година добиена е грантова помош од вкупен износ 71,3 милиони евра за Изградба на втора фаза за изградба на железничката пруга кон Бугарија и за подготовка на техничка документација за Автопатското поврзување на делницата Скопје-Блаце; 
  31. По 6 годишно отсуство, Шведска се врати како билатерален донатор во Република Македонија со годишна распределба на развојни средства од околу 3 милиони евра за Македонија;
  32. Норвешка најави зголемување на развојните средства за Република Македонија од 2018 година, а во претстојниот период се очекува потпишување на Меморандум за билатерална проектна соработка помеѓу двете држави;
  33. Француската агенција за развојна соработка ќе побара мандат од Владата на Франција за воспоставување на развојна соработка со Република Македонија;
  34. Континуирано се унапредува развојната соработка со сите активни донатори во Република Македонија;
  35. Извештајот на Комисијата покажа голем напредок на Република Македонија во голем број области, особено кога оценките ќе се стават во сооднос со оценките кои ги добија останатите земји од Западниот Балкан;
  36. Македонија е на прво место според остварениот напредок меѓу земјите од регионот. Ова претставува најголемата валоризација на успешноста во имплементацијата на Планот 3-6-9;
  37. Извештајот на ЕК констатираше дека Македонија ги предводи земјите од Западниот Балкан и од аспект на подготвеноста или усогласеноста на земјата со Европската Унија и според економските критериуми;
  38. Република Македонија во мај 2018 година стана рамноправна членка на Јадранско-Јонската група земји за соработка;
  39. СЕП ја презема улогата на координација на процесот на имплементацијата на шесте иницијативи кои произлегоа од анексот на Стратегијата на Европската Комисија за проширување со земјите од Западниот Балкан до 2025 година;
  40. Се оформи неформалната група пријатели на Македонија именувана „Охрид“ во состав: Лордот Џорџ Робертсон, поранешен Генерален секретар на НАТО, Росен Плевнелиев поранешен претседател на Бугарија, Хавиер Солана поранешен Генерален секретар на НАТО и претставник за надворешна и безбедносна политика на ЕУ, Карл Билдт - поранешен премиер на Шведска, Лордот Кристофер Гаидт, амбасадорите Роберт Гелбард од САД, Ален Ле Роа од Франција и Волфган Ишингер од Германија, Дејмон Вилсон од Атлантскиот совет и Зоран Чичак, која дава поддршка за процесот на интеграција на Република Македонија во НАТО и ЕУ успешно да се заврши.