Владата од осамостојувањето високо ја цени улогата на ОБСЕ и цени дека ОБСЕ има придонес во развојот на Република Македонија, а за прашањата за кои понекогаш можеби има различни погледи, според портпаролот на Владата на Република Македонија Александар Ѓорѓиев, треба да се дискутира на принципиелни основи и повеќе врз основа на аргументи, а помалку на интуиција, затоа што и Владата и ОБСЕ имаат заеднички цели. 

- ОБСЕ е партнерска организација на Република Македонија. Ја споделуваме загриженоста и цениме дека треба да се дискутира заеднички на принципиелни основи, врз основа на аргументи повеќе, а помалку на интуиција за прашањата околу кои можеби понекогаш имаме различни погледи. Она што е значајно е тоа дека имаме заеднички цели, а целта на Владата е обезбедување напредок, добробит и развој на Република Македонија. изјави портпаролот одговарајќи на новинарско прашање во врска со изјавата на американскиот амбасадор во ОБСЕ.

 Тој додаде дека во досегашниот период од независноста, во соработка со ОБСЕ се спроведуваат проекти и реформи кои се од интерес на Република Македонија и со кои се унапредуваат стандардите во сите општествени сфери во Република Македонија.