Премиерот Заев на прием во организација на германскиот министер за надворешни работи Зигмар Габриел: силна поддршка на реформите во Македонија

Во рамки на активностите на 72 Генерално Собрание на ОН во Њујорк, премиерот Заев присуствуваше на приемот кој го приреди германскиот министер за надворешни работи Зигмар Габриел за сите шефови на делегации на Генералното Собрание на ОН.


На приемот премиерот Заев разговараше со министерот Габриел за реформите од Планот 3-6-9 кои се во тек кај нас, согласно Извештајот на Прибе но, и за важноста на поддршката од Германија за напредок во интеграциите на Македонија во ЕУ веќе идната година.


Министерот Габриел изрази силна поддршка на реформите и истакна дека резултатите од овој процес ќе бидат соодветно вреднувани согласно насоките од европските институции.