Повик за волонтирање

Република Македонија

ВЛАДА НА РЕПУБЛИКА МАКЕДОНИЈА

Сектор за односи со јавноста

Почитувани студенти,

Со цел приближување на работата на државната администрација кон младите, а воедно и укажување на можност за стекнување на работно искуство со кое би можеле полесно да конкурираат на пазарот на трудот, Генералниот секретаријат на Владата на Република Македонија овозможува волонтирање за заинтересираните студенти.

Волонтирањето ќе биде во периодот од 20.07.-15.09.2009 година.

Напоменуваме дека на ангажираните волонтери ќе им биде исплатен надоместок на трошоци за храна и превоз, согласно член 10 од Законот за волонтерство („Сл. весник на РМ“ бр. 85/07 и 161/08).

По завршување на волонтирањето, Генералниот секретаријат на Владата на Република Македонија не презема обврска за вработување на волонтерите.

Заинтересираните кандидати да достават писмо за интерес, кратка биографија и копија од индекс на адреса: Генерален секретаријат на Владата на Република Македонија (за Кабинет за кој што аплицира) , ул.Илинденска бб, Скопје.

                                  

Рокот за пријавување е до 13.07.2009 година.