Министерот Бектеши и директорот Мурати доделија грантови за самовработување во Тетово: Младите кои имаат различни идеи и креативност треба да ги искористат мерките за самовработување

„Младите кои имаат различни идеи и креативност треба да ги искористат мерките за самовработување и во рамките на бизнис плановите што ќе ги состават да започнат сопствен бизнис, добивајќи субвенција од 5.000 евра до 10.000 евра„ изјави министерот за економија Крешник Бектеши на прес-конференцијата заедно со директорот на Агенцијата за вработување на Република Северна Македонија, Беким Мурати по повод доделувањето на договорите на дел од одобрените апликанти во регионот на Тетово кои ќе добијат грантови во рамките на Оперативниот план за вработување во рамки на мерките „Субвенционирање на плати“ и „Вработување и раст на правни субјекти“

“Секогаш го поддржуваме отворањето нови работни места, особено за работни места кои се подобро платени, а секако ги поддржуваме и оние кои се во моментот невработени да имаат дополнителни можности преку користење на мерење на истите да имаат и работа” изјави министерот за економија Крешник Бектеши.
Министерот Бектеши истакна и дека интеграцијата на земјата во Европската унија е многу важна. Додавајќи дека со почетокот на преговорите со ЕУ, 60% од финансирањето ќе се додадат на поглавјето за претприемништво, вработување и зголемување на конкуренцијата.

“Оперативниот план вклучува околу 37 милиони евра, секако овие иницијативи се важни за интеграцијата на земјата во Европската унија. Што се однесува до поглавјето за претприемништво, вработување и зголемување на конкурентноста, со отворањето на преговорите за членство во Европската унија, 60% од финансирањето ќе се додадат на Оперативниот план. Минатата година корист од овие мерки имаа 12.000 граѓани, додека годинава се предвидува бенефит да имаат 15.000 граѓани, а во иднина оваа бројка уште повеќе ќе се зголеми со користење на средствата на Европската Унија” кажа министерот  Бектеши.

Директорот на Агенцијата за вработување, Мурати посочи дека интересот за овие мерки е се поголем и дека Агенцијата ќе се потруди согласно Оперативниот план да обезбеди повеќе средства за невработени лица.

„Нашата интенција е 15 илјади невработени да бидат вклучени во сите овие активни мерки кои ги нуди Агенцијата за вработување. Ние не застануваме тука, нашата интенција е наредната 2023 година со тој Оперативен план да бидат вклучени повеќе од 20 илјади“ кажа директорот.