Едмонд Адеми

Роден на 29 јуни 1975 година во Тетово.

Дипломирал на   Универзитет Св.Кирил и Методи – Филозофски факултет – Институт за Социoлогија -  Скопје.

На 31 мај 2017 година е избран за Министер без ресор во Владата на Република Македонија. На првата седница на влада, на 05 јуни 2017 од страна на Премиерот на Република Македонија е задолжен како Министер за односи со дијаспора.

Од  Март до Јуни  2016 година, во време на големиот мигрантски бран  е именуван за специјален советник на Министерот за Внатрешни работи  Оливер Спасовски,  со задача за координација на активностите на Министество со меѓународната заедница за справување со мигрантската криза.

Од 2011 до 2015 година е Извршен директор на Институтот за политички и економски истражувања “Либерта“ – Скопје.

Од март 2009 до јануари 2011 работи како надворешен специјалист за политичка комуникација за Американската консултатнска куќа  Пен, Шоен, Берланд  од Вашингтон. 

Од септември 2006 – март 2009 работи во Амбасадата на САД во Скопје, прво како специјалист за медиуми и јавна дипломатија, а подоцна и како Асистент на двајца Амбасадори на САД во Македонија, Џилијан А. Миловановиќ, и Филип Рикер.  

Од  октомври 2005 до август 2006,  работи како политички советник на Министерот за Одбрана на Република Македонија.

Од  јуни 2002 до Октомври 2005 работи  во Европската Агенција за Реконструкција,  прво како помошник Портпарол на Агенцијата, а подоцна и како Портпарол на Агенцијата.

Работниот ангажман истотака ги вклучува и ОБСЕ,  Националниот Демократски Институт (НДИ) во периодот 2000-2002 година.

Автор е на неколку публикации : 

“Импотентен парламент - како да го подобриме?"  објавен во  јануари 2012 година.

“Евроскептицизмот во Македонија - реална закана или блеф„ ,  објавен во септември 2012

Млади и социјална интеграција во постконфликтни општества, објавен во 2002

Добитник е на неколку  признанија и награди, како “Амбасадор на знаење“  Награда доделена од страна на Академијата за доживотното учење, и словенечкото Министерство за економски развој и технологија на Република Словенија, во јуни 2016, како и престижната награда на Америчкиот Стејт департмент – “Франклин Авард“  за исклучителен придонес во креирање и подобрување на поефикасни системи на работа во рамките на Амбасадата на САД во Република Македонија.