Забраната за вршење внатрешен промет, откуп и извоз на отпадоци и остатоци на производи од железо, челик, алуминиум, бакар, олово, цинк, калај, бронза и месинг ќе се укине кога ќе се видат резултатите од мерките што Министерството за животна средина и просторно планирање ги предложи до Владата, со кои треба да се намалат кражбите на предмети од јавен интерес, информира денеска министерот Абдилаќим Адеми.

Намалувањето на средствата во буџетот на Министерството за здравство нема да се одрази на функционирањето на здравствениот систем. Нема да дозволиме да има недостиг од инсулин, лекови, медицински материјали, плати за лекари итн.

Министерот за здравство Никола Тодоров денеска изјави дека има тенденција сето она што се прави во здравството да биде засенето со вештачко незадоволство меѓу лекарската фела, најчесто со пласирање дезинформации.

Министерството за здравство од 1 јуни воведува здравствена задолжница, како инструмент за обезбедување и наплата на побарувањата меѓу Јавните здравствени установи, кои се финансирани преку Фондот за здравствено осигурување.