Среда, 27.04.2018 во работна посета на Република Македонија ќе биде Претседателот на Европскиот совет, Доналд Туск, по повод состанок на лидерите на земјите во Процесот Брдо - Бриони. 

Во склоп на посетата, Претседателот на Европскиот совет, Туск со висока делегација на ЕУ ќе оствари средба со Претседателот на Владата на Република Македонија, Заев и владина делегација во Владата на РМ. 

Во 10:00 часот на платото пред Владата на Република Македонија ќе биде организиран официјален пречек на високата делегација од ЕУ предводена од Претседателот Туск. 

Претседателот на Владата на Република Македонија, Зоран Заев и Претседателот на Европскиот совет, Доналд Туск ќе остварат официјална тет-а-тет средба, по што ќе следува и билатерална средба на делегациите на Владата на РМ и на Европскиот совет.

По завршувањето на средбата, од 11:00 ќе следуваат изјави за медиумите.