Од редовната 100-та седница на Владата на РМ: На Собранието ќе му биде доставен новиот текст на предлогот за ребаланс на Буџетот за 2018 година, со амандманите од комисиската расправа

На денешната 100-та седница на Владата на Република Македонија, на предлог на Министерството за финансии, ги разгледа и усвои амандманите на ребалансот на Буџетот за 2018 година предложени на комисиската расправа во Собранието на Република Македонија.

Осумте амандмани на седницата на Владата на РМ се прифатени како дополнување на Предлогот за Изменување и дополнување на Буџетот на Република Македонија за 2018 година, и новиот, интегрален текст на предлогот за ребаланс на Буџетот ќе биде проследен на усвојување на пленарна седница во Собранието на Република Македонија.