Me mbledhjen e Qeverisë në Shtip, si një tjetër në serinë që i mbajmë në 10 rajone në të gjithë vendin, jemi më afër qytetarëve dhe vetëqeverisjes lokale dhe më afër nevojave të tyre për ti dëgjuar tregimet e tyre me qëllim që ti përcaktojmë interesat e qytetarëve, tha Kryetari i Qeverisë së Maqedonisë së Veriut Oliver Spasovski në një prononcim për mediat në Shtip, i shoqëruar nga Kryetari i Komunës së Shtipit Blagoj Boçvarski, i cili sonte së bashku me kryetarët e komunave të Probishtipit, Sveti Nikollës, Radovishit, Konçevës, Cheshinovës, Obleshevës, Karbincit dhe Lozovës, marrin pjesë në punën e mbledhjes së Qeverisë.
"Dëshirojmë që nga kryetarët e këtyre komunave për së afërmi të marrim informacionet me interesin të qytetarëve. Nga këto informacione, nga ajo që qytetarët e këtyre komunave dhe të këtij rajoni presin nga ne që të përcaktojnë politikat dhe vendimet tona në të ardhmen për projekte që mund të zbatohen nga komunat me mbështetjen e qeverisë qendrore ", potencoi Kryeministri Spasovski në deklaratën e tij.
Gjatë ditës, mbledhjes i paraprin një numër aktivitetesh në terren të zëvendëskryeministrave në Qeveri, të ministrave, zëvendësministrave dhe disa nga drejtorët e ndërmarrjeve publike.
Kryeministri Spasovski dhe zëvendëskryetarja e angazhuar për për koordinimin me resorët ekonomik Mila Carovska, zëvendësministrja plotësuese e Punës dhe Politikës Sociale Sanela Shkrijelj dhe Drejtoresha e DAP, Sanja Lukarevska vizituan kompaninë e tekstilit Albatros nga Shtipi si një nga kompanitë e tekstilit që punëson një numër të madh të qytetarëve në këtë rajon.
“Me drejtuesit dhe punonjësit e fabrikës, si dhe me përfaqësuesit e Organizatës së Punëdhënësve dhe Shoqatës së “Punëtor i zëshëm i tekstilit”, diskutuam për pagesat e pagës minimale, si dhe masat për mbështetje për rritjen e pagave duke subvencionuar kontributet, dhe në fabrikën e Aktiva i dëgjuam përvojat e kompanisë me masën e ndihmës shtetërore të programit të saj të mbështetjes financiare të investimeve. Këto janë takime të rëndësishme pasi japin kahëzime përsosjen e procedurave dhe për ideve të reja për kthimin e parave te qytetarët dhe kompanitë si një nga politikat më të rëndësishme të Qeverisë ", tha Spasovski në një prononcim për mediat pak para seancës së katërt të rregullt të Qeverisë në Shtip.
Agjenda e Kryeministrit Spasovski dhe disa ministrave në Qeveri sot përfshiu edhe shumë aktivitete të tjera, siç është vizita e zëvendëskryeministres dhe Ministres së Mbrojtjes Radmila Shekerinska, së bashku me gjeneralin britanik brigadier Hugh Lloyd Jones në kazermën Jane Sandanski në Shtip, duke zhvilluar trajnime nën mentorimin e anëtarëve të Forcave të Armatosura të Mbretërisë së Bashkuar dhe dhe inspektimi i funksionimit të stacionit spastrues Zletovica që e bëri Ministri i Bujqësisë, Pylltarisë dhe Ekonomisë së Ujërave, Trajan Dimkovski.
Kryetari i Komunës së Shtipit, Blagoj Boçvarski, në emër të qytetarëve të komunës dhe rajonit, falënderoi për iniciativën e Qeverisë për të organizuar dhe mirëmbajtur mbledhjet e saj në rajonet e shtetit, duke siguruar kështu një pasqyrë të menjëhershme për zbatimin e politikave dhe prioriteteve të qytetarëve, dhe veçoi mbështetjen për iniciativën e komunës për ndërtimin e një dige në lumin Otinja.
