Kryeministri Republikës së Maqedonisë së Veriut, Oliver Spasovski, zëvendëskryeministri Bujar Osmani, ministrat e Shëndetësisë dhe të Arsimit dhe Shkencës Venko Filipçe dhe Arbër Ademi, sot realizuan takim me drejtoreshën e Spitalit të përgjithshëm në Kumanovë Snezhana Zaharieva
Në takim u bisedua për gjendjen aktuale në spital dhe u ndanë përvojat për tejkalimin e problemeve aktuale.
Kryeministri Spasovski, theksoi se është bërë përqindje më e madhe e testeve.
“Me përpjekjet e vazhdueshme që i bëjnë mjekët dhe personeli mjekësor në spital, së bashku me epidemiologët në Qendrën për Shëndet Publik në komunë dhe mjekët amë, do të arrijmë të ndalemi në rrugën e përhapjes së virusit. Edhe njëherë apeloj të respektohen rekomandimet për distancë fizike, veçanërisht pranë festave të Pashkëve. Ashtu më së shumti do t’i ndihmojmë edhe personelit shëndetësor në Kumanovë të cilët janë në rend të parë në ballafaqimin me koronavirusin” , theksoi në deklaratën e tij për mediat kryeministri Spasovski.
Ministri i Shëndetësisë Filipçe tha se Kumanova dallohet me numrin e rritur të pacientëve të diagnostifikuar ditëve të fundit, por që të punësuarit në spital janë në majën e detyrave të tyre dhe me sukses i kryejnë obligimet e tyre, edhe pse është vetëm një pjesë e punonjësve shëndetësor
“Sot testuam 210 të punësuar me teste serologjike. Rezultatet deri tani treguan se nuk ka persona të dyshuar mjekësor dhe ata janë në gjendje të mirë shëndetësore. Me këtë strategji të testimit do të vazhdojmë edhe më tutje dhe do ta zbatojmë në tërë territorin e shtetit së pari mes punonjësve shëndetësor, ndërsa pastaj edhe mes qytetarëve” , tha Filipçe.
Kryeministri Spasovski dhe ministri Filipçe uruan për punën e deritanishme tërë ekipin e spitalit, për ballafaqimin e suksesshëm me koronavirusin, dhe theksuan se nga takimi shkojnë me njohuritë të cilat do të ndihmojnë se si të arrihet efikasitet më i madh në ballafaqimin me epideminë në komunë, si dhe për mundësitë plotësuese për përforcim të personelit në spital