Јавен Оглас за именување на член на Инспекцискиот совет
Врз основа на член 20 и член 21 од Законот зa инспекциски надзор („Службен весник на Република Северна Македонија“ бр.102/2019), Владата на Република Северна Македонија објавува
Ј А В Е Н О Г Л А С
за именување на член на Инспекцискиот совет
1. Владата на Република Северна Македонија, ќе именува еден член на Инспекцискиот совет од областа на земјоделство, шумарство, ветеринарство и безбедност на храна.
2. Советот има претседател и шест члена, кои функцијата ја извршуваат професионално, со мандат од четири години, со право на уште еден избор.
3. За член на Инспекцискиот советот од областа на земјоделство, шумарство, ветеринарство и безбедност на храна може да биде избрано лице кое:
- има државјанство на Република Северна Македонија;
- во моментот на изборот со правосилна судска пресуда не му е изречена казна затвор или прекршочна санкција забрана за вршење на професија, дејност или должност;
- има стекнато најмалку 240 кредити според ЕКТС или завршен VII/1 степен;
- има најмалку шест години работно искуство по дипломирање, во областа на земјоделство, шумарство, ветеринарство и безбедност на храна;
- поседува еден од следниве меѓународно признати сертификати или уверенија за активно познавање на англиски јазик:
- ТОЕФЕЛ ИБТ – најмалку 74 бода,
- ИЕЛТС (IELTS) – најмалку 6 бода,
- ИЛЕЦ (ILEC) (Cambridge English: Legal) – најмалку Б2 (B2) ниво,
- ФЦЕ (FCE) (Cambridge English: First) – положен,
- БУЛАТС (BULATS) – најмалку 60 бода или
- АПТИС (АPTIS) – најмалку ниво Б2 (B2)
- поседува потврда за активно познавање на компјутерски програми за канцелариско работење
4. Членот на Инспекцискиот советот не може да биде член во органи и тела кои ги избира или именува Собранието на Република Северна Македонија или Владата.
5. Со пријавата кандидатите задолжително треба да ја достават следната документација:
- пријава по оглас;
- кратка биографија;
- уверение за државјанство на Република Северна Македонија;
- доказ дека во моментот на изборот со правосилна судска пресуда не му е изречена казна затвор или прекршочна санкција забрана за вршење на професија, дејност или должност;
- диплома за завршено високо образование со стекнати најмалку 240 кредити според ЕКТС или завршен VII/1 степен;
- доказ дека има најмалку шест години работно искуство по дипломирањето, во областа на земјоделство, шумарство, ветеринарство и безбедност на храна.
- меѓународно признат сертификат или уверениe за активно познавање на англиски јазик:
- ТОЕФЕЛ ИБТ – најмалку 74 бода,
- ИЕЛТС (IELTS) – најмалку 6 бода,
- ИЛЕЦ (ILEC) (Cambridge English: Legal) – најмалку Б2 (B2) ниво,
- ФЦЕ (FCE) (Cambridge English: First) – положен,
- БУЛАТС (BULATS) – најмалку 60 бода или
- АПТИС (АPTIS) – најмалку ниво Б2 (B2)
- потврда за активно познавање на компјутерски програми за канцелариско работење.
6. Документите од точка 5 треба да бидат поднесени во оригинал или копија заверена на нотар и истите се доставуваат до Архивата на Владата на Република Северна Македонија или по пошта на адреса:
Влада на Република Северна Македонија
Бул.„Илинден“ бр.2,
1000 Скопје
со назнака: „За јавен оглас за именување член на Инспекцискиот совет“.
7. Рокот за пријавување на заинтересираните кандидати е (15) петнаесет дена сметано од денот на објавувањето на огласот во дневните весници.
8. Огласот ќе биде објавен и на веб страната на Владата на Република Северна Македонија.
9. Некомплетната документација и документацијата доставена по истекот на рокот за аплицирање нема да биде разгледувана.