Министерот за правда Блерим Беџети денеска имаше работна средба со претседателот на Уставниот суд на Руската Федерација, Валериј Зоркин.

Соговорниците на средбата размениле искуства од областа на уставното право и примената на принципот на владеење на правото. Средбата, како што соопшти Министерството за правда, е оценета како одлична можност за продолжување на дијалогот воспоставен меѓу двата суда и соработката на високо ниво меѓу Република Македонија и Руската Федерација.

Руската делегација вечер ќе биде примена од претседателот на Република Македонија, Ѓорге Иванов.

Посетата на делегацијата на Уставниот суд на Руската федерација е прва официјална посета на Република Македонија која се реализира на покана на македонскиот Уставен суд.