Kryetari i Qeverisë, Hristijan Mickoski, në intervistën e djeshme në emisionin „Nën Thjerrë“ në TV Alfa, i hodhi poshtë akuzat e LSDM-së për numrin e anëtarëve të delegacionit qeveritar në Nju Jork, duke theksuar se pikërisht në kohën e qeverive të LSDM-së dhe BDI-së delegacionet kanë qenë më të shumta në numër.
"Ky është Frojdi, sepse ata kanë shkuar ashtu dhe tani mendojnë se të gjithë shkojnë ashtu. Në qeverinë e LSD-së dhe BDI-së, për herë të parë në një ngjarje të Asamblesë së Përgjithshme u shfaqën atëherë edhe Presidenti edhe Kryeministri, nëse e mbani mend kur shkuan edhe Stevo Pendarovski edhe Dimitar Kovaçevski. Atëherë mbase delegacionet numëronin 50 veta. Përndryshe, jo. Çfarë 50 veta, nuk bëhet fjalë për diçka të tillë. Shumë më pak se ai numër, mbase më pak se gjysma e atij numri. Por sidoqoftë, ajo është një ngjarje serioze, njëherë në vit që mbahet dhe natyrisht se nevojitet logjistikë dhe ka më shumë ngjarje në të cilat duhet të jenë të pranishëm më shumë njerëz. Në një grup ngjarjesh ishte ministri Sali, në një grup tjetër ngjarjesh ishte ministri Mucunski, paralelisht me këtë zhvilloheshin edhe ngjarje ekonomike mënjanë nga Asambleja e Përgjithshme e Kombeve të Bashkuara, pastaj erdhi edhe ministrja e financave", tha Mickoski.