“Gjatë vitit të kaluar, duke ndjekur të gjitha tremujorët në krahasim me vitin 2024, edhe raporti i fundit konfirmoi trende pozitive në bujqësi. Sipas të dhënave zyrtare, blerja dhe shitja e produkteve bujqësore në tremujorin e fundit arrijnë në 12,5 miliardë denarë, që paraqet rritje prej 15% krahasuar me të njëjtën periudhë të vitit 2024”, theksoi ministri i Bujqësisë, Pylltarisë dhe Ekonomisë së Ujërave, Cvetan Tripunovski nga Strumica.
Ai shtoi se rritja nuk i referohet vetëm çmimeve të blerjes dhe shitjes, por edhe sasisë së shtuar të produkteve bujqësore.
“Sipas tabelave të publikuara nga Enti Shtetëror i Statistikave, pothuajse te të gjitha produktet bujqësore shënohet rritje e sasive. Veçanërisht dallohen rrushi, gruri dhe mollët, si dhe prodhimi në blegtori, sidomos në rritjen e derrave, rritjen e dhenve dhe prodhimin e mishit të gjedhit”, sqaroi ministri Tripunovski.
Ai theksoi se rritja e sasive është evidentuar edhe te kulturat e tjera bujqësore, gjë që përbën një tregues të rëndësishëm se viti 2025 mund të vlerësohet si i suksesshëm, me intensitet të shtuar si në blerje ashtu edhe në eksportin e produkteve bujqësore.