Јавен оглас за избор на 3 (три) членa на Советот за иновации, научно-технолошки развој и претприемништво

Институција која огласува: Влада на Република Северна Македонија

Рок на пријавување: 03/01/2026

Врз основа на член 11 став (5) од Законот за иновациската дејност, научно-технолошки развој и претприемништво („Службен весник на Република Северна Македонија“ бр. 154/25 и 192/25), Владата на Република Северна Македонија објавува

ЈАВЕН ОГЛАС 
за избор на 3 (три) членa на Советот за иновации, научно-технолошки развој и претприемништво претставници од редот на домашни и меѓународни експерти од областите за кои се распишуваат јавните конкурси за поддршка на иновациите, научно-технолошкиот развој и претприемништвото

1. Владата на Република Северна Македонија ќе избере  тројца постојани претставници од редот на домашни и меѓународни експерти од областите за кои се распишуваат јавните конкурси за поддршка на иновациите, научно-технолошкиот развој и претприемништвото за членови на Советот за иновации, научно-технолошки развој и претприемништво, за период од две години, со право на реизбор.

2. Претставниците од редот на домашни и меѓународни експерти се назначуваат од редот на експерти со најмалку завршено високо образование, работно искуство од најмалку пет години во соодветната област и искуство во менаџирање со проекти.

3. За член на Советот за иновации, научно-технолошки развој и претприемништво претставник од редот на домашни и меѓународни експерти од областа на иновациите, научно-технолошкиот развој и претприемништвото може да биде избрано лице кое ги исполнува следниве услови: 

1. Да е експерт од областа на иновациите, научно-технолошкиот развој и претприемништвото;
2. Да има завршено најмалку високо образование (мастер или докторат, дополнителни академски и професионални сертификати во соодветната област ќе се сметаат за предност).
3. Да има најмалку пет години работно искуство во областа на иновациите, научно-технолошкиот развој и претприемништвото (меѓународен експерт, треба да има искуство во различни региони или соработката со меѓународни тимови).
4. Да име искуство во менаџирање со проекти (предност ќе имаат кандидати со над 10 години работно искуство во менаџирање на големи проекти и проекти со меѓународени елементи односно универзитетски професори или вработени во научно-истражувачка институција).
5. Познавање на еден од трите најчесто користени јазици на Европската Унија – англиски, француски или германски на најмалку ниво Б2 (B2).
6. Со правосилна судска пресуда да не му е изречена казна или прекршочна санкција забрана за вршење на професија, дејност или должност. 

4.    Покрај условите од точка 3 за член на Советот за иновации, научно-технолошки развој и претприемништво претставник од редот на домашни и меѓународни експерти од областа на иновациите, научно-технолошкиот развој и претприемништвото може да биде избрано лице кое ги исполнува и следниве критериуми:

• Јасна и ефективна комуниција со различни целни групи, способност за работa во меѓународни или мултикултурни тимови, како и разбирање на различни бизнис култури.
• Да има докажани резултати со потврдено професионално искуство и компетенции, високи стандарди на етика, доверливост и интегритет, работа во услови на висока одговорност, како и задоволување на рокови.
• Способност за идентификување и решавање на комплексни проблеми, самостојно преземање на иницијативи и работа под притисок.
• Локална достапност и способност за работа на терен (ако е потребно), спремност за патувања или релокација, ако проектите го бараат тоа.

5.    На членовите на Советот за иновации, научно-технолошки развој и претприемништво - претставници од редот на домашни и меѓународни експерти од областа на иновациите, научно-технолошкиот развој и претприемништвото им следува надоместок по присуство на седница, чија висина ја одредува Владата.

6.    Со пријавата кандидатите задолжително треба да ја достават следната документација:

1. Кратка биографија (CV);
2. Мотивациско писмо;
3. Доказ дека е експерт од областа на иновациите, научно-технолошкиот развој и претприемништвото;
4. Уверение или диплома за завршено високо образование (мастер или докторат, дополнителни академски и професионални сертификати);
5. Доказ дека има најмалку пет години работно искуство во областа на иновациите, научно-технолошкиот развој и претприемништвото и искуство во менаџирање со проекти;
6. Сертификат и/или уверение со кој се потврдува познавањето на еден од трите најчесто користени јазици на Европската Унија – англиски, француски или германски на најмалку ниво Б2 (B2);
7. Доказ дека со правосилна судска пресуда не му е изречена казна или прекршочна санкција забрана за вршење на професија, дејност или должност и
8. Други дополнителни документи со кои ќе го докаже исполнувањето на критериумите од точка 4 со документирани резултати за успешни проекти, препораки од претходни работодавачи, дипломи, признанија, сертификати и сл.

7.    Документите од точка 6 треба да бидат поднесени во оригинал или копија заверена на нотар и истите се доставуваат до Архивата на Владата на Република Северна Македонија или по пошта на адреса: Влада на Република Северна Македонија Бул. „Илинден“ бр.2, 1000 Скопје со назнака: „За јавен оглас за избор на 3 (три) члена на Советот за иновации, научно-технолошки развој и претприемништво - претставници од редот на домашни и меѓународни експерти од областа на иновациите, научно-технолошкиот развој и претприемништвото“.

8.    Рокот за пријавување на заинтересираните кандидати е 30 дена сметано од денот на објавувањето.
9.    Огласот ќе биде објавен и на веб страницата на Владата на Република Северна Македонија https://vlada.mk и на интернет страницата на Агенцијата за иновацискa дејност, научно-технолошки развој и претприемништво. https://www.inova.gov.mk/index3.html
10.    Некомплетната документација и документацијата доставена по истекот на рокот за аплицирање нема да биде разгледувана.

• Пријава по оглас