Заменик-претседателот на Владата Арбен Фетаи ќе ја претставува Владата на РСМ на пленарната седница на Венецијанската комисија

Со заклучок донесен на вчерашната владина седница, Владата на Република Северна Македонија го овласти заменик-претседателот Арбен Фетаи, во име на премиерот Христијан Мицкоски, да ја претставува Владата на пленарната седница на Венецијанската комисија, која ќе се одржи на 12 и 13 декември 2025 година во Венеција, Италија.
На дневен ред на оваа седница е разгледувањето на Предлог-законот за Правична и Адекватна Застапеност, кој Владата го усвои како законско решение за целосно регулирање на уставниот принцип на правична и адекватна застапеност на заедниците во државните и јавните институции.
Овој закон претставува системски и институционален акт од особено значење, бидејќи за првпат јасно го дефинира со закон принципот што произлегува од Охридскиот рамковен договор, предвидувајќи функционални механизми за спроведување и создавање на меѓуинституционално координативно тело одговорно за неговата имплементација.
Заменик-претседателот Фетаи истакна дека усвојувањето на овој закон коригира институционална неправда наследена повеќе од 20 години и поставува стабилна правна основа за реална еднаквост во јавната администрација и во институциите на државата.
Претседателот на Собранието, Африм Гаши, изјави дека веднаш по добивањето на конечниот став од Венецијанската комисија, законот ќе биде проследен за усвојување во Собранието.
Законот за Правична и Адекватна Застапеност требаше да биде усвоен уште во 2003 година, а по повеќе од две децении задоцнување, сега за првпат се третира како целосно и функционално нормативно решение.