Врз основа на член 3-б од Законот за инспекцијата на труд („Службен весник на Република Македонија“ бр.35/1997, 29/02, 36/11, 164/13, 44/14, 33/15, 147/15 и 21/18 и „Службен весник на Република Северна Македонија“ бр.317/20 и 16/25), и член 27 став (3) и став (4) од Законот за инспекциски надзор („Службен весник на Република Северна Македонија“ бр.102/2019, 272/2024 и 22/2025), Владата на Република Северна Македонија објавува

ЈАВЕН ОГЛАС Бр.40/2025

за именување на директор на Државниот инспекторат за труд

1. Владата на Република Северна Македонија, ќе именува директор на Државниот инспекторат за труд, орган во состав на Министерството за економија и труд, со мандат од четири години.
2. За директор на Државниот инспекторат за труд, може да биде именувано лице кое ги исполнува следниве услови:

1. Да е државјанин на Република Северна Македонија;
2. Да нема изречена правосилна судска пресуда казна или прекршочна санкција забрана за вршење професија, дејност или должност во времето на именувањето;
3. Да има стекнати најмалку 240 кредити според ЕКТС или завршен VII/1 степен;
4. Да има најмалку шест години работно искуство по дипломирањето во струката и
5. Да има потврда или сертификат за положен испит за познавање на еден од трите најчесто користени јазици на Европската Унија (англиски, француски и германски) на ниво Б2 (В2) од Европската референтна рамка за јазици, издадени од установа или институција во државата или од странство, регистрирана како давател на оваа услуга, не постари од пет години.

3. За директор на Државниот инспекторат за труд, може да биде именувано лице кое покрај условите наведени во точка 2 од огласот треба да ги исполнува и дополнителните критериуми кои се наведени во пријавата достапна на следниот линк:

https://vlada.mk/sites/default/files/dokumenti/prijava_za_oglas_1.pdf ,

https://vlada.mk/sites/default/files/dokumenti/struktura_na_dopolnitelni...

4. Со пријавата кандидатите задолжително треба да ја достават следната документација:

1. Пријава по оглас;
2. Кратка биографија;
3. Мотивациско писмо;
4. План и програма за идна работа;
5. Уверение за државјанство на Република Северна Македонија;
6. Доказ дека нема изречена правосилна судска пресуда казна или прекршочна санкција забрана за вршење професија, дејност или должност во времето на именувањето;
7. Диплома или уверение за завршено високо образование со стекнати најмалку 240 кредити според ЕКТС или завршен VII/1 степен;
8. Доказ дека има најмалку шест години работно искуство по дипломирањето во струката и
9. Потврда или сертификат за положен испит за познавање на еден од трите најчесто користени јазици на Европската Унија (англиски, француски и германски) на ниво Б2 (В2) од Европската референтна рамка за јазици, издадени од установа или институција во државата или од странство, регистрирана како давател на оваа услуга, не постари од пет години.

5. Документите од точка 4 треба да бидат поднесени во оригинал или копија заверена на нотар и истите се доставуваат до архивата на Владата на Република Северна Македонија или по пошта на адреса: Влада на Република Северна Македонија бул. „Илинден“ бр.2, 1000 Скопје со назнака: „За јавен оглас за именување на директор на Државниот инспекторат за труд“.

6. Бараните документи не ги супституираат досегашните форми определени со Законите и подзаконските акти под надлежност на МJА и посебните Закони кои ги определуваат општите и посебните услови за избор/именување.
7. Бараните документи можат да бидат јавни (на web страницата) на Институцијата за кандидатот/ката кои се избрани/именувани, а во функција на транспарентност и следење на исполнување на истите од страна на надзорните органи (Влада, Собрание, Надзорните одбори и слични тела).
8. Коефициентот за пресметување на плата: е утврден согласно Одлуката за утврдување на коефициенти за пресметување на платата на функционерите кои ги именува Владата на Република Северна Македонија („Службен весник на Република Северна Македонија“ бр.31/25).
9. Рок за пријавување на заинтересираните кандидати е 15 (петнаесет) дена, сметано од денот на објавувањето на огласот во дневниот печат.
10. Огласот ќе биде објавен и на веб страницата на Владата на Република Северна Македонија.
11. Некомплетната документација и документацијата доставена по истекот на рокот за аплицирање нема да биде разгледувана.