Премиерот Никола Груевски денеска го пушти во употреба реконструираниот водовод во селото Ботун, инвестиција од 3,5 милиони денари.

Покрај целосно реконструираниот водовод, според него, ископани се и два нови извори.

- Со тоа целосно се надмина проблемот со зачестените дефекти и недостатоци на вода, што беше честа појава во изминатите години, посебно во летниот период. Успешното завршување на овој проект е одлична причина веднаш да почнеме со нов проект во Дебрца, а тоа е изградбата на колекторот за отпадни води чиј камен-темелник го поставуваме денеска, истакна Груевски.