Средба на министерот Нухиу со НВО за човекови права

Министерот за внатрешни работи Агим Нухиу денеска имаше средба со претставници на неколку невладини организации од областа на човековите права.

На средбата, соопшти МВР, е разговарано како Министерството за внатрешни работи, како една од најзначајните институции во државата која има секојдневни контакти со граѓаните, може да придонесе за подобрување и унапредување на нивните права. 

Соговорниците на средбата, според соопштението, потенцирале дека улогата на полицијата во развојот и почитувањето на човековите права е особено значајна во вакви турбулентни периоди.

На средбата се разговарало и за начините на кои може да се подобри функционирањето на службите во Министерството кои работат на издавање на личните документи.

- Според претставниците на граѓанските здруженија и министерот Нухиу, зголемувањето на ефикасноста и флексибилноста на овие служби, исто така,  ќе даде значаен придонес во зголемувањето на довербата на граѓаните  кон полицијата, се вели во соопштението и се додава дека министерот Нухиу потенцирал дека граѓанскиот сектор и институциите на државата треба да бидат партнери и на тој начин ќе придонедат за подобрување на состојбата со човековите права.