Нашата Влада од првиот ден задолжи конкретен министер во Владата кој што е одговорен за комуникации, отвореност и транспарентност. Како Влада сме целосно отворени кон вас медиумите и кон граѓаните и транспарентно работиме во секој аспект на нашата работа. 
Тоа што во моментов е потребно да се изработи Стратегија се однесува на идниот период и за утврдување на некои правила и концепти кои што треба да важат. Секоја стратегија се носи на повеќегодишен период, со акциски план. 
Идејата е насоките и правилата на комуникација, транспарентност и на отчетност да бидат ставени на хартија како стратешка определба која заедно со акцискиот план ќе биде задолжителна да ја спроведуваат сите органи на Владата.