Врз основа на член 11,  член 30 став 1 алинеја 2 став 3 и став 5, член 48 и член 49 од Законот за административни службеници (,,Службен весник на Република Македонија‘‘ бр. 27/2014, 199/2014, 48/2015, 154/2015, 5/2016, 142/2016, 11/2018 и „Службен весник на Република Северна Македонија“ бр. 275/2019, 14/2020, 215/2021 и 99/2022) и Правилникот за формата и содржината на интерниот оглас, начинот на поднесување на пријавата за унапредување, начинот на спроведување на административната селекција и интервјуто, како и начинот на нивно бодирање и максималниот број на бодови од постапката на селекција, во зависност од категоријата на работно место за кое е објавен интерниот оглас („Службен весник на Република Македонија“бр. 11/2015, 35/2018 и „Службен весник на Република Северна Македонија “бр.303/2020) Генералниот секретаријат на Владата на Република Северна Македонија објавува

Интерен оглас  број  1/2022
за унапредување на административни службеници

Се распишува интерен оглас за унапредување на административни службеници  за следниве 
работни места:

1.    Шифра: УПР 01 01 Б04 000

Звање и назив на работното место – Раководител на Одделение за соработка со невладини организации
Назив на сектор: Сектор за анализа на политиките и координација
Број на извршители: 1
Посебни услови за работното место:

• степен и вид на образование: ниво на квалификациите VI А според Македонската рамка на квалификации и најмалку 240 кредити стекнати според ЕКТС или завршен VII/1 степен од областа на Економски науки, Организациони науки и управување (менаџмент), Правни науки.
• работно искуство: најмалку четири години работно искуство во струката од кои најмалку една година на работно место во јавен сектор, односно најмалку шест години работно искуство во струката од кои најмалку две години на раководно работно место во приватен сектор.

Посебни работни компетенции:

• Активно познавање на еден од трите најчесто користени јазици на Европската Унија (англиски, француски, германски), активно познавање на компјутерски програми за канцелариско работење и положен испит за административно управување.

Општи услови за работното место:

•  да е државјанин на Република Северна Македонија,
• активно да го користи македонскиот јазик,
• да е полнолетен,
• да има општа здравствена способност за работното место 
• со правосилна судска пресуда да не му е изречена казна забрана на вршење професија, дејност или должност како и:
• да е оценет со оцена „А“ или „Б“ при последното оценување на кое бил оценуван,
• да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас,
• да поминал најмалку две години на исто ниво и
•  да не му е изречена дисциплинска мерка во последната година пред објавувањето на интерниот оглас.

 Распоред на работно време:

• неделно работно време: од понеделник до петок; 
• работни часови неделно: 40
• работно време со почеток на работно време 07:30-8:30 до 15:30-16:30 со вкупно времетраење на работниот ден од осум часа

 Паричен нето износ на збирот од делот на плата за степен на образование и делот на плата за ниво: 30.056,00 денари 

2.    Шифра: УПР 01 01 В02 000

Звање и назив на работното место – Виш соработник за заклучоци и записници       
Назив на одделение: Одделение за записници, заклучоци и други акти на Владата
Назив на сектор: Сектор за нормативно-правни работи поврзани со седниците на Владата и работните тела на Владата
Број на извршители: 1

Посебни услови за работното место:

• степен и вид на образование: ниво на квалификациите VI Б според Македонската рамка на квалификации и стекнати најмалку 180 кредити според ЕКТС или завршен VII/1 степен од областа на Правни науки, Политички науки.
• работно искуство: најмалку две години работно искуство во струката.

Посебни работни компетенции:

• Активно познавање на еден од трите најчесто користени јазици на Европската Унија (англиски, француски, германски) и активно познавање на компјутерски програми за канцелариско работење.

 Општи услови за работното место:

• да е државјанин на Република Северна Македонија,
• активно да го користи македонскиот јазик,
• да е полнолетен,
• да има општа здравствена способност за работното место 
• со правосилна судска пресуда да не му е изречена казна забрана на вршење професија, дејност или должност како и:
• да е оценет со оцена „А“ или „Б“ при последното оценување на кое бил оценуван,
• да е на работно место на непосредно пониско ниво или да е на работно место во рамки на истата категорија во која е работното место за кое е објавен интерниот оглас,
• да поминал најмалку две години на исто ниво и
• да не му е изречена дисциплинска мерка во последната година пред објавувањето на интерниот оглас.

 Распоред на работно време:

• неделно работно време: од понеделник до петок; 
• работни часови неделно: 40
• работно време со почеток на работно време 07:30-8:30 до 15:30-16:30 со вкупно времетраење на работниот ден од осум часа.

Паричен нето износ на збирот од делот на плата за степен на образование и делот на плата за ниво: 23.394,00 

Потребно е кандидатите да поднесат пријава на службената електронска адреса на Секторот за човечки ресурси SCR@gs.gov.mk.
Пополнетата пријава, како и доказите за податоците содржани во пријавата потребно е во рок од 5 (пет) дена од денот на објавувањето на интерниот оглас, во хартиена форма преку архивата на Генералниот секретаријат на Владата на Република Северна Македонија, да ги достават до Секторот за човечки ресурси.

Кон пријавата кандидатите можат да приложат и:
-    потврди за успешно реализирани обуки и/или
-    потврди за успешно реализирано менторство (како ментор или менториран административен службеник)

Во пријавата кандидатите се должни под материјална и кривична одговорност да потврдат дека податоците во пријавата се точни, а доставените докази верни на оригиналот.

 Кандидатот кој внел лажни податоци во пријавата или за кој се утврди дека внел лажни податоци ќе биде дисквалификуван од натамошната постапка по овој оглас.