Почитувани претставници на турската етничка заедница во Република Македонија,

Со особена почит и уважување, од мое лично име и од име на Владата на Република Македонија сакам на сите претставници на турската етничка заедница во Република Македонија да им го честитам 21 Декември – Денот на наставата на турски јазик.

Со воведувањето на празникот, турската заедница се здоби со дополнителен демократски механизам за промоција, зачувување и унапредување на своите јазик и култура, но и за промоција на турската етничка особеност и специфики.

Владата на Република Македонија секогаш со внимание пристапувала кон негување на интересите, потребите и националните особености на сите етнички заедници кои живеат во нашата земја. Сето тоа, споено со посветеноста и енергијата која ја даваме за напредок на сите полиња од значење за граѓаните укажува на нашите заложби да ја направиме Република Македонија успешна земја во која се стремиме и работиме за економски развој, на европските и евроатлански интеграции, и во која се почитува и практикува заедништвото и довербата, а преку запознавањето и почитувањето на културата на секоја заедница да работиме на развојот на мултиетничкото општество.

На крајот, сакам да Ве поздравам и да Ви посакам многу здравје, среќа и успеси!
 
Нека Ви е честит и вековит 21 Декември – Денот на наставата на турски јазик!

Со почит,

                                                                                                                                                                                                                                                                                                                                                                                                                                                                                                             Никола ГРУЕВСКИ