Денеска во Владата на Република Македонија се одржа редовна седница на Економскиот совет со која претседаваше премиерот Никола Груевски.

На седницата беа разгледувани тековните макроекономски движења, како и информации за повеќе тековни проекти и активности од економската сфера. 

Економскиот совет ја разгледуваше информацијата за модели и примери од други земји и меѓународни финансиски институции на државна поддршка на нови бизниси и мали и средни компании, при што беше заклучено анализата да се прошири на повеќе земји и да се направи компарација со постојните практики на државна поддршка во Република Македонија, а потоа да се видат можностите за инкорпорирање на нови мерки во домашниот систем за поддршка на нови бизниси и мали и средни компании.

На седницата, исто така, се разгледуваше и информација за натамошното постапување по однос на воспоставување на систем за интегрирано регионално управување со отпадот во Пелагонискиот, Југозападниот и Вардарскиот регион.