Средба на ЗПВРМ Анѓушев и МТВ Сугарески со Михајловиќ: Интензивирање на инфраструктурните проекти за подобро регионално поврзување

Заменик претседателот на Владата задолжен за економски прашања д-р Кочо Анѓушев заедно со министерот за транспорт и врски Горан Сугарески денеска во Белград, Р.Србија остварија средба со д-р Зорана Михајловиќ, потпретседател на Влада и министерка за градежништво, инфраструктура и сообраќајна која разговараа за клучните инфраструктурни проекти што ги поврзуваат двете земји.

На состанокот е постигнат договор за олеснување на сите постапки за пренос на роба и патници на граничните премини.

„Ценам дека постигнавме договор прв во регионот за олеснување на сите постапки за пренос на роба и патници на граничните премини. Главно важно е да кажам дека најдовме разбирање во рамките на нашата соработка да воспоставиме една царинска испостава во Табановце, на железничкиот премин помеѓу Македонија и Србија на железничкиот премин. Таквата станица да ја финансираме заеднички и притоа побараме средства од фондот за инвестиции од Западен Балкан, за што е веќе разговарано. Се договоривме таквиот проекти да ги започнеме што е можно побрзо во интересот на граѓаните на двете држави. Мислиме дека во 2019 година можеме да почнеме со градење“, изјави вицепремиерот Анѓушев.


Двете страни се сложија дека преку регионалниот соработка полесно ќе се реализираат проекти значајни за двете земји.
„Морам да ви кажам дека со Заменикот на премиер на Македонија навистина брзо се договоривме и се обидовме некои заеднички проекти да ги забрзаме. Конкретно зборувам за заедничкиот граничен премин Табановци кој е важен и за Македонија, а и за Србија. Ние сакаме да почнеме да го градиме што поскоро. Се завршува проектот и целосната техничка документација, еден дел е веќе готов и се договоривме со оглед на тоа дека овој проект ќе го реализираме со Европската Унија, без оглед што се плановите се почетокот на изградбата да биде во 2020 година, да се обидеме заеднички тој и јас да го координираме тоа и да почне да се гради веќе 2019 година“, посочи Михајловиќ.

Попладнево вицепремиерот за економски прашања Анѓушев и министерот за транспорти врски Сугарески учествуваа на состанок со бизнисмените од Стопанската комора на Србија каде им беше претставен Планот за економски раст и можностите што ги нуди Македонија за инвеститорите.