Министерот за здравство, д-р Фатмир Меџити, на маргините на 76. Светска здравствена асамблеја учествуваше на настан организиран од министерот за здравство на Украина д-р Виктор Лиашко и министерот за здравство на Република Полска, д-р Адам Ниџиелски, посветен на унапредување на ургентниот здравствен одговор во Украина и пошироко.
„Механизмите за одговор можеме да ги зајакнеме преку заедничка соработка, меѓусебно споделување знаења и размена на искуства. Здравствените итни случаи стануваат уште покомплексни и попредизвикувачки во услови на конфликт“, истакна министерот Меџити, кој изрази поддршка на министерот за здравство на Украина, д-р Лиашко.
