Со фокус на локалната економија, зголемување на странските инвестиции во земјава како и отворањето нови работни места со цел намалување на невработеноста во нашата земја, министерот за економија и труд, Бесар Дурмиши, денеска се сретна со албански бизнисмени во градот Копенхаген во Данска. Министерот Дурмиши зборуваше за многу значајни теми од економската сфера, за предизвиците со кои се соочуваме и за олеснувањата што ги презема новата Влада за отстранување на бирократските бариери за сите странски инвеститори. 

Министерот нагласи дека сакаме да ја развиваме локалната економија, а има и слободни економски зони. 
“Создаваме поволни услови за сите бизнисмени, за нашите компании, за нашите граѓани и со тоа го подобруваме животниот стандард”, рече меѓу другото министерот Дурмиши.