Врз основа на член 11 од Законот за основање на Агенција за финансиска поддршка во земјоделството и руралниот развој („Службен весник на Република Македонија“бр. 72/2007, 5/2009, 43/2014, 193/2015, 39/2016, 164/2018 и „Службен весник на Република Северна Македонија“ бр.190/2019), Владата на Република Северна Македонија објавува

ЈАВЕН ОГЛАС Бр. 28/2025
за именување на заменик на директорот на Агенцијата за финансиска поддршка 
во земјоделството и руралниот развој

1.    Владата на Република Северна Македонија ќе именува заменик на директорот на Агенцијата за финансиска поддршка во земјоделството и руралниот развој, со мандат од четири години.
2.    За заменик на директорот на Агенцијата за финансиска поддршка во земјоделството и руралниот развој може да бидe именуванo лицe кое ги исполнува следните услови:
1)    Да е државјанин на Република Северна Македонија;
2)    Во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност;
3)    Да има стекнати најмалку 240 кредити според ЕКТС или завршен VII/1 степен;
4)    Да има најмалку пет години работно искуство;
5)    Да поседува еден од следниве меѓународно признати сертификати или уверенија за активно познавање на англискиот јазик не постар од пет години:
-    ТОЕФЕЛ ИБТ - најмалку 74 бода,
-    ИЕЛТС (IELTS) - најмалку 6 бода,
-    ИЛЕЦ (ILEC) (Cambridge English: Legal) - најмалку Б2 (B2) ниво,
-    ФЦЕ (FCE) (Cambridge English: First) - положен,
-    БУЛАТС (BULATS) - најмалку 60 бода или
-    АПТИС (АPTIS) - најмалку ниво Б2 (B2).

3.    За заменик на директорот на Агенцијата за финансиска поддршка во земјоделството и руралниот развој, може да бидe именуванo лицe кое покрај условите наведени во точка 2 од огласот треба да ги исполнува и дополнитените критериуми кои се наведени во пријавата достапна на следниот линк:

https://vlada.mk/sites/default/files/dokumenti/prijava_za_oglas_1.pdf ,
https://vlada.mk/sites/default/files/dokumenti/struktura_na_dopolnitelni_dokumenti_1.docx

4.    Со пријавата кандидатите задолжително треба да ја достават следната документација:
1)    Пријава по оглас;
2)    Кратка биографија;
3)    Мотивациско писмо;
4)    План и програма за идна работа;
5)    Уверение за државјанство на Република Северна Македонија;
6)    Доказ дека во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност;
7)    Диплома или уверение за завршено високо образование со стекнати најмалку 240 кредити според ЕКТС или завршен VII/1 степен;
8)    Доказ дека има најмалку пет години работно искуство;
9)    Меѓународно признат сертификат или уверение за активно познавање на англискиот јазик не постар од пет години:
- ТОЕФЕЛ ИБТ - најмалку 74 бода,
- ИЕЛТС (IELTS) - најмалку 6 бода,
- ИЛЕЦ (ILEC) (Cambridge English: Legal) - најмалку Б2 (B2) ниво,
- ФЦЕ (FCE) (Cambridge English: First) - положен,
- БУЛАТС (BULATS) - најмалку 60 бода или
- АПТИС (АPTIS) - најмалку ниво Б2 (B2).

5.    Документите од точка 4 треба да бидат поднесени во оригинал или копија заверена на нотар и истите се доставуваат до aрхивата на Владата на Република Северна Македонија или по пошта на адреса: Влада на Република Северна Македонија бул. „Илинден“ бр.2, 1000 Скопје со назнака: „За јавен оглас за именување заменик на директорот на Агенцијата за финансиска поддршка во земјоделството и руралниот развој “.

6.    Бараните документи не ги супституираат досегашните форми определени со Законите и подзаконските акти под надлежност на МJА и посебните Закони кои ги определуваат општите и посебните услови за избор/именување.
7.    Бараните документи можат да бидат јавни (на web страницата) на Институцијата за кандидатот/ката кои се избрани/именувани, а во функција на транспарентност и следење на исполнување на истите од страна на надзорните органи (Влада, Собрание, Надзорните Одбори и слични тела).
8.    Коефициентот за пресметување на плата: е утврден согласно Одлуката за утврдување на коефициенти за пресметување на платата на функционерите кои ги именува Владата на Република Северна Македонија („Службен весник на Република Северна Македонија“ бр.31/25).
9.    Рок за пријавување на заинтересираните кандидати е 5 (пет) дена, сметано од денот на објавувањето на огласот во дневниот печат.
10.    Огласот ќе биде објавен и на веб страницата на Владата на Република Северна Македонија.
11.    Некомплетната документација и документацијата доставена по истекот на рокот за аплицирање нема да биде разгледувана.