Премиерот Никола Груевски и министрите за здравство и за труд и социјална политика, Никола Тодоров и Спиро Ристовски, денеска ги посетија и им подарија пакетчиња на децата со церебрална парализа кои го користат дневниот  центар во Капиштец, каде што беше организирана и новогодишна приредба.

Центарот е отворен во декември 2005 година и го користат 32 деца од Скопје на возраст од три и пол  до 18 години. Целта му е да го поддржи интегрирањето на децата со церебрална парализа во образованието и да им даде третман и рехабилитација. Покрај деца од Скопје има и две што доаѓаат од Куманово.

Центарот работи од понеделник до петок, а за неговите корисници е обезбеден  и превоз.