Зголемувањето на пензиите и на социјалните додатоци за пет проценти предвидени за 2015 година ќе се реализира согласно планот на Владата, изјави денеска премиерот Никола Груевски.

- Планот согласно подготвениот и усвоен буџет е во октомври да дојде до зголемување на пензиите, значи за пензионерите кога ќе ја земат пензијата во октомври да биде зголемена, а во месец јули да бидат зголемени социјалните надоместоци. Станува збро за 2015, како што имаме и ветено практично, рече премиерот Груевски на новинарско прашање по промоцијата на новонабавена медицинска опрема во Клиниката „Свети Наум Охридски“ (стара Градска болница). 

Од 2006 година до сега пензиите во државата се зголемени просечно за 62 проценти, а најмалите просечно за 76 отсто. Социјалните надоместоци, пак, за истиот период се зголемени за 47 проценти.