Премиерот Никола Груевски смета дека се исполнети сите услови кои биле потребни претседателот на опозициската СДСМ Зоран Заев да ги предаде материјалите до Специјалното јавно обвинителство. 

- Станува збор за хард-дискови со материјали кои СДСМ нелегално ги поседува, за чие чување не е потребно многу место, рече Груевски во интервју за ТВ Сител.

Според Груевски, обезбедено е се што е побарано од СЈО.

-За вакви хард-дискови е потребен сеф кој Владата го испорача до СЈО. Немаше барање, но дознавме од медиумите и веднаш испративме сеф. Потребно беше 24 часовно обезбедување, по што Владата го задолжи МВР за обезбедување на 24 часовно обезбедување. Двата услови се исполнети, посочи премиерот.