До: ЕВАНГЕЛСКО-МЕТОДИСТИЧКАТА ЦРКВА 

Г-дин ЕМИЛ ЗАЕВ, Претседател

            Почитуван г-дин Заев,

Дозволете ми Вам лично, на Вашето ценето свештенство и на сите верници на Евангелско-Mетодистичката црква во Република Македонија, од мое лично име и од име на Владата на Република Македонија, да Ви го честитам големиот Христијански празник - Божиќ.

Божиќ е празник на Божјата љубов, празник кој треба да нè потсети дека Бог во својата намера да го доближи човекот до себе, одлучи и самиот Тој да постане човек. Христовото раѓање е симбол на волјата Божја да сето небесно го соедини со сето земно и да испрати ѕвезда водилка која за навек ќе го осветлува патот кој е исправен и нужно потребен да има мир, радост и љубов помеѓу луѓето. Со бескрајна почит, во мир и спокој, со широко отворени порти во нашите срца и нашите домови и оваа година да ја пречекаме убавата вест за раѓањето на Исус Христос и да го прославиме големиот настан. 

            Ви посакувам убави празнични денови, многу љубов и топлина во Вашите домови,  и многу радост и бериќет во Вашите семејства. 

            Нека ни е честит и за многу години големиот празник!

            Христос се роди – Навистина се роди!

            Со почит,

Никола ГРУЕВСКИ