Министеркaта без ресор задолжена за странски инвестиции, Зорица Апостолска денес оствари средба со амбасадорот на Република Грција, Димитрис Јанакакис.

На средбата станa збор за економските релации помеѓу двете земји, при што од двете страни беше истакнато дека постои простор за понатамошно унапредување на бизнис врските.

Од страна на амбасадор беше нагласено дека постојат многу перпективи пред бизнис заедниците од двете земји.

Министерката Апостолска го информираше амбасадорот Јанакакис за позитивно искуство кое го има во зачестените контакти со претставници на грчката бизнис заедница, притоа истакнувајќи дека економски партнерства треба да се развиваат независно од политичките предизвици.

На средбата стана збор и за економското значење кое го има Коридорот 10 за двете земји, при што се потенцираше дека довршувањето на автопатското и железничко поврзување ќе создаде дополнителни позитивни услови за зајакнување на врските помеѓу бизнис заедниците.

Министерката Апостолска истакна дека добрата економска соработка може да даде позитивни резултати и во останатите полиња на односите помеѓу двете земји.