Министерот за земјоделство, шумарство и водостопанство, Трајан Димковски денеска ги презентираше движењата на откупните цени и извозот на сезонските земјоделски производи. Официјалните податоци од Министерството за земјоделство, шумарство и водостопанство и од Државниот завод за статистика, покажуваат пораст на вредноста на извозот на клучните извозно-ориентирани земјоделски производи.
Министерот Димковски посочи дека развојните политики и мерки коишто Министерството за земјоделство, шумарство и водостопанство, ги презема изминатите две години, даваат позитивни резултати во земјоделството, трудот на земјоделецот почнува да се цени и вреднува, расте побарувачката за македонските земјоделски производи, не само на домашниот туку и на странскиот пазар.
„Во 2018 година извозот на конзервиран зеленчук изнесува 41,4 милиони евра а во 2017 година 38,9 милиони евра, што е пораст за 6%. За 19% е зголемена вредноста на извезени краставици и корнишони, и тоа најмногу на пазарите во Европската унија. Вредноста на извезени пиперки во 2018 година е зголемена за 18% за разлика од 2017 година.Воведувањето на мерката за укинување на царината за увоз на замрзнато свинско месо во 2018 година, придонесе за значителен пораст на извозот на месните преарботки. Во 2017 извозот беше 11 милиони евра, а лани 14,6 милиони евра, што е пораст за 33%, изјави министерот“, изјави министерот Димковски.
Во 2018 споредено со 2017 година за 17% е зголемен извозот на флаширано вино или од 21,8 милиони евра во 2018 на 25,5 млиони евра лани. Во делот на овошјето, се забалежува значителен пораст на извозот на праски и нектарини од 16%, а за 11% е пораснат извозот на трпезно грозје.
Димковски потенцираше дека во овој период, особено во месец јули, кога е интензивна бербата и откупот на сезонскиот зеленчук и овошје, податоците покажуваат зголемување и на откупните цени. Во јули оваа година откупната цена на краставицата бележи пораст за 145,8%, а споредено со истиот период 2013 година зголемувањето е за 240%. За 85,5% е зголемена откупната цена на доматот во јули годинава споредено со истиот период лани или за 143% споредено со јули 2015 година. Оваа година пченицата се откупува за 10,4 денари, за разлика од 2016 година кога била 8,48 денари за килограм, што е пораст од 23%.
„Поради отворените пазари, зголемената побарувачка на македонските земјоделски производи и порастот на откупните цени, до овој момент МЗШВ нема воведено ниту една интеревентна мерка, како што тоа беше случај во изминатите години. Земјоделството е еден од носечките столбови на македонската економија, затоа како Влада посветуваме посебно внимание на политиките кои ги спроведуваме за овој сектор, со посебен акцент на развојните мерки и проекти, како и нови инвестиции кои ќе придонесат кон забрзан раст на оваа стратешка економска гранка“, изјави министерот Димковски.
Пораст на откупната цена од 89,1% е забелжан кај лубеницата, јули 2018 со истиот период оваа година, или за 116% споредено со 2015 година. Откупната цена на белото грозје во 2016 година била 30 денари за килограм, а оваа година 50 денари, што претстваува пораст од 67%. Кај сливите, откупната цена во јули оваа година споредено со истиот период лани е зголемена за 18,8% или за 23% споредено со јули 2016 година. За 31% расте откупната цена на пиперката или во јули 2018 година изнесува 22,14 денари а годинава 29 денари за килограм. Кај оризот, за периодот јули 2018 со јули 2019 година се забележува пораст на откупната цена за 8,7%.
