Министерот без ресор задолжен за имплементација на Стратегијата за Роми, Музафер Бајрам оствари работна средба со Амбасадорот на Народна Република Кина, Н.Е Џанг Ѕуо. 

На средбата беа дискутирани проблемите и предизвиците со кои се соочува ромската заедница воедно беа презентирани и идните активности во чии рамки можна е поддршката од оваа пријателска земја. 
 
Како резултат на добрата соработка, денес со финансиска поддршка од Нaродна Република Кина ќе бидат поделени околу 300 прехранбени пакети во општините Кичево, Битола и Ресен.

Имено, станува збор за донација од Амбасадата на Народна Република Кина наменета за лица од социјално загрозена категорија на граѓани од овие општини,  погодени од пандемијата Ковид 19.