Педијатриски ургентен центар ќе се формира на Клиниката за детски болести во рок од 12 месеци, најавија денеска министерот за здравство Никола Тодоров и директорката на Клиниката Аспазија Софијанова.

Детската клиника ќе добие и ново амбулантно возилото кое треба да пристигне за 6 до 7 месеци.

За подобра распределеност на пациентите ќе се воведе контакт центар каде граѓаните ќе може да закажуваат прегледи на Детската клиника. Кол-центарот треба да почне да функционира за 30 дена, а ќе работи од 7:30 до 20 часот.

Предвидено е да се постави и систем на светлосна сигланизација во секоја соба, како и за звучна сигнализација, ќе се обезбедат и услови за лицата кои користат инвалидски колички, а ќе се направи и реконструкција на тоалетите.

Ова е предвидено во стратегијата за развој на Детската клиника што ги предложи менаџерскиот тим, а Министерството за здравство прифати да ги реализира.

Според министерот Тодоров, доколку доследно се применат овие мерки, значително ќе се подобрат условите на Детската клиника.