Претседателот на Владата на Република Северна Македонија Димитар Ковачевски, заедно со министерот за земјоделство, шумарство и водостопанство Љупчо Николовски, денеска присуствуваа на манифестацијата „Тиквешки гроздобер 2022", што традиционално се одржува во Кавадарци.

„Лозарството и винарството се наша вековна традиција, произведуваме вино со светски познат квалитет, и сме еден од лидерите по извоз на вино во регионот. Тоа е резултат на еднаквата поддршка која Владата преку соодветни и навремени мерки ја дава и за лозарите и за винариите.

Заедно со лозарите и винариите договоривме мерки за полесно справување со претстојната криза. Историско е зголемувањето од 30% на откупна цена на Смедеревката и Вранецот.

Субвенциите за одржливи површини се редовни, субвенцијата на зелената нафта стигнува и до 100%, а на располагање е и Интервентниот фонд.

Заедно, ќе ги надминеме сите предизвици кои ги носи претстојната криза.

Посакувам успешна и бериќетна лозарска година, поддршката за развој на оваа извозно-ориентирана гранка продолжува", порача премиерот Ковачевски.