Нова инвестиција која ќе отвори 500 работни места во внатрешноста на државата, најави денеска премиерот Никола Груевски.

Тој по ажурирањето на партиското членство во Општинскиот комитет на ВМРО-ДПМНЕ во Кисела Вода, рече дека објавата за новата инвестиција треба да ја каже инвеститорот, како што е пракса во бизнисот.

- Се работи за инвестиција која ќе овозможи најмалку 500 директни вработувања, а има можност за уште една таква инвестиција во внатрешноста на Македонија од областа на производството. Се надевам дека наредниот месец инвеститорот ќе ја објави и ќе ги каже деталите, нагласи Груевски.

Претседателот на Владата посочи дека во завршна фаза е носењето одлуки за уште неколку други инвестиции.

- Има уште неколку кои се во завршна фаза за носење одлуки од неколку други производни капацитети на друг тип инвестиции.