Министерот Попоски во Њујорк одржа средба со специјалниот пратеник на Генералниот секретар на ОН, амбасадорот Метју Нимиц.
Притоа, министерот Попоски ја повтори подготвеноста и интересот на Република Македонија за надминување на наметнатиот проблем со името во рамки на ОН.

“Република Македонија има интерес овој вештачки наметнат спор да биде разрешен и е подготвена да продолжи со конструктивниот пристап во процесот под покровителство на Обединетите нации” истакна Попоски.

 “Во реалноста имаме една страна која наоѓа изговори, не почитува преземени обврски и одолговлекува со цел да не ги поддржи евроинтеграциските процеси во југоисточна Европа, наспроти втората страна која педантно го почитува меѓународното право, сака дијалог и решенија и се заложува за заедничка иднина под европска капа. Покрај реално многу пријателските односи, асиметријата на мотиви е очигледен хендикеп, кој сакаме да биде надминат. Затоа ги повикуваме соседите за заеднички напор кон посветла иднина.”

Надминувањето на овој две децениски спор ќе има позитивно влијание и ќе е од суштинско значење како за Република Македонија и за Република Грција, така и за целиот регион.