До ЕВАНГЕЛИСТИЧКО-МЕТОДИСТИЧКАТА ЦРКВА 

Г. Емил Заев, Претседател

Почитуван г-дин Заев,

Со особена радост и задоволство, на овој величествен ден кога се прославува празникот над празниците, сакам во свое име и во име на Владата на Република Македонија, Вам, на Вашето ценето свештенство и на сите верници на Евангелистичко-методистичката црква во Република Македонија, да Ви го честитам Христијанскиот празник - Велигден.

Денот на Христовото воскресение е најзначајниот ден за верниците. Она што за луѓето беше незамисливо, неможно и далечно, со Христовото воскресение постана блиско и сеприсутно. Со тој чин, Бог покажа најголема жртва и љубов кон човекот. Токму затоа, да се поклониме на неговата милост, да продолжиме да го одиме патот зацртан од Бога и да ги празнуваме Божјата волја, добрина и човекољубие.

Честитајќи Ви го овој голем ден, Вам и на сите верници Ви посакувам време исполнето со разбирање, милосрдие и благослов во секој дом.

Нека ни е честит и за многу години, големиот христијански празник Велигден !

Со почит,

Никола ГРУЕВСКИ