ДО ПРЕТСЕДАТЕЛОТ НА ИСЛАМСКАТА ЗАЕДНИЦА

ВО РЕПУБЛИКА МАКЕДОНИЈА

Реис Ул Улема, Хаџи Сулејман Ефенди Реџепи

Почитуван Претседател на Исламската заедница во Република Македонија, господин Реис Ул Улема, Хаџи Сулејман Ефенди Реџепи,

Ми претставува особена чест, Вам лично, на членовите на Ријасетот, како и на сите верници од исламска вероисповед, од името на Владата на Република Македонија, како и од мое лично име, да Ви го честитам големиот верски празник - Курбан Бајрам.

Во овие убави празнични денови, Ви посакувам мир и хармонија, заедништво и толеранција, споделување на материјалното и потчинување во духовното. Овој празник е познат по солидарноста и грижата никој да не биде заборавен, роднините, пријателите, сограѓаните, сиромашните, болните и осамените. Нека биде така и оваа година. Нека владее добрата мисла и добрите човекови дела, како за празникот, така и во текот на целата година. Ваквите вредности се богатство во нашето општество, нивното зачувување е наша обврска, како кон нашите предци, така и кон идните генерации.

Токму ваквите празници и одбележување на посебноста на верите и културите во Македонија претставува најавтентичен израз на нашата единственост и универзалност како земја која ги обединува вредностите на современото глобално општество. Убеден сум дека ќе продолжиме на тој пат, да учиме еден за друг, да се почитуваме и помагаме еден со друг, да празнуваме заедно и заеднички да го градиме напредокот на Република Македонија, како земја на задоволни граѓани, како земја со просперитетна иднина.

            Уште еднаш, испраќајќи Ви најискрени честитки, Ви посакувам божја милост и убави празнични денови.

            Нека Ви е честит големиот муслимански празник !

            Со почит,

Никола ГРУЕВСКИ