Секој оној кој со своето однесување ќе му оневозможи на народот да реши на кого ќе му ја даде довербата, кој ќе се обиде да му го одземе врвното демократско право на народот да решава на избори, без разлика дали тоа ќе го направи со сопственото бегање од избори, што веќе за жал е извесна и очигледна варијанта и стратегија на нашите политички конкуренти или на било кој друг начин ќе се труди да нема избори, прави непринципелно и неетичко дело кое е на ранг на навреда на народот, порача вечерва премиерот Никола Груевски.

Со ова однесување, нагласи, политичкиот конкурент покажува недоверба во своите капацитети и отсуство на соодветна грижа за националните и државни интереси на Република Македонија.

- Избори мора да има, и избори ќе има. Ова е наша земја и наша земја ќе остане. Народот ќе решава и народот мора да решава. Нема друго и нема бегање, подвлече премиерот Груевски во обраќањето на свечената академија по повод утрешниот државно-црковен празник Св. Климент.