По повод големиот државен празник, Денот на независноста - 8 Септември, претседателот на Владата на Република Северна Македонија Димитар Ковачевски ќе се обрати на централната свечена прослава, која под мотото: „Обединети во слободата“ ќе се одржи в четврток на 8 септември во 19:30 часот на платото кај паркот „Ибни Пајко“.

Линкови за следење во живо на обраќањето на премиерот Ковачевски:

Македонски јазик: https://youtu.be/61v1UQVTgGI

Албански јазик: https://youtu.be/29aWoMZClJs

Во рамки на свечената прослава, планирани се изведби и музички солистички нумери од познати пејачи и групи, како и атрактивно шоу на диск-џокеј, а истата ќе се пренесува во живо и на Националната радио-телевизија, како и на каналите на социјалните мрежи на Владата на Република Северна Македонија.

На прославата за граѓаните организирана е богата музичка програма, а ќе присуствуваат и претставници на дипломатскиот кор, стопанственици, претставници на граѓански организации, соработници. Под мотото „Обединети во слободата“, го славиме 8 Септември - Денот на независноста.

Почитувани граѓани, нека ни е честит големиот ден.