Врз основа на член 72 и член 74 од Законот за стручно образование и обука („Службен весник на Република Северна Македонија“ бр.3/25), Владата на Република Северна Македонија објавува

ЈАВЕН ОГЛАС Бр.44/2025

за избор на директор на Центарот за развој на стручното образование

1. Владата на Република Северна Македонија, на предлог на министерот за образование и наука ќе избере директор на Центарот за развој на стручното образование, со мандат од четири години, со право на уште еден последователен избор.
2.  За директор на Центарот може да биде избрано лице кое ги исполнува следните услови:

1. Да е државјанин на Република Северна Македонија и активно го користи македонскиот

јазик и неговото кирилско писмо;

2. Во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност;
3. Да има стекнато најмалку VI А ниво од МРК, најмалку 240 кредити според ЕКТС или завршен VII/1 степен;
4. Да е наставник со најмалку пет години работно искуство во стручно образование и обука или да биде вработен најмалку пет години во орган на државната управа од областа на образованието;
5. Да има потврда или сертификат за положен испит за познавање на еден од четирите најчесто користени јазици на Европската Унија (англиски, француски, германски и италијански) на ниво Б2 од Европската референтна рамка за јазици, издадени од установа или институција во државата или од странство регистрирана како давател на оваа услуга, не постари од пет години, освен за наставниците по предметот англиски јазик, француски јазик, германски јазик и италијански јазик;
6. Да поседува сертификат за познавање на компјутерски програми за канцелариско работење и
7. Да има изготвено план и програма за работа и развој на Центарот за период од четири години.

3. За директор на Центарот, може да биде именувано лице кое покрај условите наведени во точка 2 од огласот треба да ги исполнува и дополнителните критериуми кои се наведени во пријавата достапна на следниот линк:

https://vlada.mk/sites/default/files/dokumenti/prijava_za_oglas_1.pdf ,

https://vlada.mk/sites/default/files/dokumenti/struktura_na_dopolnitelni...

4. На лицето кое е избрано за директор на Центарот му мирува работниот однос за време на вршење на функцијата директор на Центарот и има право во рок од пет дена по престанувањето на функцијата што ја вршел, да се врати на работа во установата или институцијата каде работел пред да биде избран за директор, на работно место најмалку на исто ниво со нивото на кое било пред да биде избран за директор.

5. Со пријавата кандидатите задолжително треба да ја достават следната документација:

1. Пријава по оглас;
2. Кратка биографија;
3. Мотивациско писмо;
4. Уверение за државјанство на Република Северна Македонија;
5. Доказ дека активно го користи македонскиот јазик и неговото кирилско писмо;
6. Доказ дека во моментот на именувањето со правосилна судска пресуда не му е изречена казна или прекршочна санкција забрана за вршење на професија, дејност или должност;
7. Диплома или уверение за завршено образование со стекнато најмалку VI А ниво од МРК, најмалку 240 кредити според ЕКТС или завршен VII/1 степен;
8. Доказ дека е наставник со најмалку пет години работно искуство во стручно образование и обука или да биде вработен најмалку пет години во орган на државната управа од областа на образованието;
9. Потврда или сертификат за положен испит за познавање на еден од четирите најчесто користени јазици на Европската Унија (англиски, француски, германски и италијански) на ниво Б2 од Европската референтна рамка за јазици, издадени од установа или институција во државата или од странство регистрирана како давател на оваа услуга, не постари од пет години, освен за наставниците по предметот англиски јазик, француски јазик, германски јазик и италијански јазик;
10. Сертификат за познавање на компјутерски програми за канцелариско работење и
11. План и програма за работа и развој на Центарот за период од четири години.

6. Документите од точка 5 треба да бидат поднесени во оригинал или копија заверена на нотар и истите се доставуваат до архивата на Владата на Република Северна Македонија или по пошта на адреса: Влада на Република Северна Македонија бул. „Илинден“ бр.2, 1000 Скопје со назнака: „За јавен оглас за избор на директор на Центарот за развој на стручното образование“.

7. Бараните документи не ги супституираат досегашните форми определени со Законите и подзаконските акти под надлежност на МJА и посебните Закони кои ги определуваат општите и посебните услови за избор/именување.
8. Бараните документи можат да бидат јавни (на web страницата) на Институцијата за кандидатот/ката кои се избрани/именувани, а во функција на транспарентност и следење на исполнување на истите од страна на надзорните органи (Влада, Собрание, Надзорните одбори и слични тела).
9. Рок за пријавување на заинтересираните кандидати е 8 (осум) дена, сметано од денот на објавувањето на огласот во дневниот печат.
10. Огласот ќе биде објавен и на веб страницата на Владата на Република Северна Македонија.
11. Некомплетната документација и документацијата доставена по истекот на рокот за аплицирање нема да биде разгледувана.