Вицепремиерот и министер за финансии Зоран Ставрески денеска најави дека наскоро ќе почне изградбата на патот Прилеп- Градско, од 33 километри.

- За Прилеп, еден од најзначајните проекти ќе биде изградбата на патот од Градско кон Прилеп, кој очекуваме набрзо да почне. Се очекува фирмата изведувач да ја достави банкарската гаранција и потоа ќе почне изградбата на патот. Се работи за 33 километри, нов пат во делот на Дреновска клисура која ќе се избегне, рече Ставрески. 

Патот ќе биде со четири ленти и, како што рече, ќе овозможи ново, инфраструктурно поврзување со автопатот и со Скопје.