Општина Крива Паланка доби седум нови улици кои се финансирани преку Проектот за подобрување на општинските услуги, кои денеска беа официјално пуштени во употреба.

Вицепремиерот и министер за финансии Зоран Ставрески, кој престојуваше во работна посета на Крива Паланка, истакна ова е инвестиција за сите граѓани и дека во Крива Паланка досега има направено многу работи, но оти и има многу приоритети кои треба да се реализираат.

- Општина Крива Паланка има добиено 50 милиони денари  преку  Програмата за подобрување на општинските услуги, од кои околу 40 милиони денари се наманети за подобрување на транспортната и патната инфраструктура, а 10 милиони се употребени за набавка на нови возила и опрема за јавното претпријатие „Комуналец“, рече вицепремиерот и министер за финансии Зоран Ставрески.

Додавајќи дека Владата она што го ветува го реализира, истакна дека во оваа Општина е реконструиран здравствениот дом, обезбедена е медицинска опрема, изградена e спортска сала, повеќенаменско игралиште, почната е изградбата на индустриска зона која ќе значи заживување на економијата, а најави дека ќе се реконструира и ургентниот центар во Крива Паланка.  

Градоначалникот на Општината Арсенчо Алексовски истакна дека во 2013 година  реализирал 365 дела од комуналната, инфраструктрната сфера, урбанизмот, животната средина, локалниот економски развој, образованието, науката, спорот, културата...

Денеска беа пуштени во употреба крак еден и два од улицата „Осоговска“ во населабата Житен склад, а изградени се и пуштени во употреба улиците „Никола Тесла“, „Наско Тамбурков“, „Горан Стојановски“, „Климент Охридски“ и „Пиринска“. Преку програмата се опфатени вкупно девет улици.

Средствата за овој проект се обезбедени од Светска банка преку Минситерството за финансии.

Министерот и градоначалникот го посетија и мостот кај Куков Дол каде интензивно се работи на неговата изградба, а исто така е финансиран преку Програмата за подобрување на општинските услуги