Sot, ministri i Shëndetësisë dr. Venko Filipçe vizitoi Institutin e Sëmundjeve të Mushkërive te Fëmijët "Kozle" i cili është shndërruar në përkujdesje për pacientët me Covid-19, si mbështetje të dy qendrave kryesore në Shkup, Klinikës për Sëmundje Infektive dhe Gjendje Febrile dhe Spitalin e Përgjithshëm të Qytetit "8 Shtatori".
Ministri Filipçe tha se spitali në Kozle është një institucion me një ekspertizë të madhe të mjekëve dhe infermierëve në trajtimin e pacientëve me sëmundje të mushkërive. Stafi është plotësuar me ekspertë, specialistë të mjekësisë së interne, kryesisht nga qendra klinike në suaza të sistemit të rotacionit.
“Njëzet pacientë janë hospitalizuar në spitalin në Kozle, ndërsa kapaciteti i tërësishëm i spitalit është 60-të shtretër me furnizim qendror të oksigjenit, që është shumë e rëndësishme për trajtimin e këtyre pacientëve Do të dëshiroja të uroja ekipin menaxhues, por edhe mjekët dhe infermierët që u riorganizuan brenda një kohe shumë të shkurtër dhe janë vërtetë të përkushtuar dhe të përkushtuar për të punuar me këta pacientë. Do të vazhdojë përditshmëria, por edhe planifikimi afatgjatë i kapaciteteve për trajtim të këtyre pacientëve. Në periudhën e ardhshme, janë parashikuar edhe kapacitete tjera. Tani për tani nuk ka rritje të presionit ndaj institucioneve shëndetësore publike, në lidhje me atë që ishte para javës së kaluar. Spitali modular te Klinika Infektive është tërësisht i zbrazët. Atje në këtë moment vendoset furnizim qendror i oksigjenit, kapaciteti i Klinikës infektive nuk është tërësisht i plotësuar, ka disa krevat të lirë. sipas nevojës në bazë të kapaciteteve dhe sipas stafit që punon me rotacion në të gjitha institucionet ku këta pacientë trajtohen në spitalet në të gjithë vendin përveç në Manastir ku ka diku katër – pesë vende të lira në repartet tjera infektive kapacitetet janë gjysmë të zbrazëta,” potencoi ministri Filipçe
Drejtori i Institutit për Sëmundjeve të Mushkërive në Kozle Angellço Andonovski tha se për momentin njëzet pacientë janë të hospitalizuar të cilët janë pozitivë me Covid-19. Pacientët janë prej moshës 41 vjeçare deri në moshën 85 vjeçare dhe ka edhe dy fëmijë pozitivë me Covid-19.
“Me mbështetje oksigjeni ka dy pacientë të rritur. Fëmijët janë në gjendje të mirë shëndetësore dhe në çdo moment priten rezultatet e fundit që të lëshohen”, tha dr. Andonovski. Ai theksoi se funksionojnë me ndihmën e ekipeve të Klinikës Infektive të cilët punojnë me rotacion.
