“Sektori TIK i vendit në vitet e fundit është në rritje të qëndrueshme të numrit të kompanive dhe të punësuarve, rritje të eksporteve, fitimeve dhe të ardhurave. Kjo industri është me rritje më të shpejtë në vend dhe punëson qytetarët më të rinj dhe më progresivë", tha Kryeministri Zaev në hapjen e zyrës së Skyle Focus në Shkup, ku mori pjesë së bashku me zëvendëskryeministrin Ljupço Nikollovski dhe ministrin Venko Filipçe.
Kryeministri Zaev dërgoi urime për kompaninë e cila që prej vitit 2019 në vend i cili rritet dhe zgjerohet vazhdimisht.
“Skeil Fokus është shembull i kompanisë në fushën e teknologjive informatike-komunikative që nuk i ndali aktivitetet e tyre edhe në kohë të pandemisë, punoi me përkushtim për realizimin e planit investues që është i mbështetur edhe nga Qeveria në përputhje me Ligjin për mbështetje financiare të investimeve. Çdo arritje për krijimin e 70 vendeve të reja të punës në sektorin e teknologjisë së informacionit, por edhe zgjerimin e një zyre kaq moderne prej 900m2 në qendër të Shkupit", tha Kryeministri Zaev, duke shtuar se pandemia tregonte se transformimi digjital i kompanive zhvillohet më shpejtë nga sa e prisnim.
"Sipas të dhënave të fundit zyrtare, sektori i TIK po rritet në të gjitha bazat. Të ardhurat totale të industrisë në vitin 2020 ishin gati 1 miliardë euro. Kjo është një rritje prej 12% në krahasim me vitin 2019.
Numri i kompanive u rrit gjithashtu me pothuajse 200 kompani të reja në vitin 2020 me një total prej 2,378 kompanive që operojnë në sektorin e TIK, "tha Kryeministri Zaev, duke shtuar se eksportet nga kompanitë maqedonase të TIK u rritën ndjeshëm, duke regjistruar një normë rritjeje prej 10%. Kjo është rreth 230.81 milion euro në eksporte në vitin 2020.
Kryeministri Zaev tha se numri i të punësuarve është një tregues tjetër që po rritet dhe tani ka 16,712 të punësuar në industrinë e TIK në vitin 2020.
"Kjo është një rritje prej 8% ose 1,200 të punësuarve të rinj në vitin 2020 krahasuar me vitin 2019. Paga vjetore në programimin kompjuterik është 2.5 herë më e lartë se mesatarja e vendit. Pagat në industrinë e TIK u rritën në vitin 2020, duke arritur një total prej 1,646 euro në shumën bruto", tha Kryeministri Zaev, duke theksuar angazhimin e Qeverisë për të përmirësuar më tej kushtet e punës, të cilat duhet të lëvizin industrinë e TIK dhe të mundësojnë digjitalizimin e përshpejtuar të kompanive.
"Qeveria parashikon uljen e taksës së të ardhurave personale në sektorin e TI-së nga 10% aktual në 0% deri në vitin 2023. Kjo duhet të jetë një nxitje e mjaftueshme për zhvillimin e mëtejshëm të kësaj industrie. Ne po planifikojmë masa të tjera, të tilla si përjashtimi i taksave për rikualifikim, trajnim, trajnime shtesë në kompani, përjashtim nga taksat nga shpenzimet e bëra për licencat për industrinë e IT-së dhe të ngjashme", përfundoi Kryeministri Zaev.
Drejtori kryesor ekzekutiv i “Skeil Fokus” Bullgari, Ivan Ivanov dhe kryetari i Bordit të Drejtorëve, Pllamen Cekov, falënderuan Qeverinë dhe institucionet shtetërore për mbështetjen e tyre dhe thanë se si investitorë ata ndjehen shumë mirë në Maqedoninë e Veriut dhe janë të kënaqur me talentin e të rinjve për inxhinieri dhe aftësi gjuhësore, i cili është një hap kryesor për rritjen e mëtejshme të kompanisë në Ballkanin Perëndimor.
