Kryeministri Zoran Zaev në një intervistë për agjencinë "Tanjug" thekson se sa herë që Evropa dështon, kur nuk e realizon atë që ka premtuar, në Ballkan shfaqen projekte nacionaliste, etnocentrike dhe se kështu ka qenë në të kaluarën dhe tani.

"Unë pretendoj se fëmijët e shumë njerëzve që kanë vdekur në luftërat në Ballkan tani janë të rritur, intelektualë dhe ata e mbajnë humbjen e tyre brenda, dhe mendoj se shumica e tyre shikojnë nga e ardhmja, uniteti, bashkëpunimi. Ne nuk kemi nevojë për armiqësi të reja, nacionalizma apo etnocentrizëm. Duke bërë dallimin karshi “non-paper” që frymëzojnë vizione të tilla, unë besoj se së bashku ne mund ta bëjmë Ballkanin siç është sot multietnike Maqedonia e Veriut. Në një moment së bashku do të hyjmë të gjithë në BE. Ne kemi diçka për t'i dhënë BE -së dhe unë besoj fort në këtë," porositi Kryeministri Zaev në një intervistë me Tanjug.

Ai më tej thekson se nacionalizmat radikalë në Maqedoninë e Veriut, që dikur ishin të shumtë, tani po zhduken. Partitë që pretendojnë për Iliridën nuk mund të marrin as një kryetar të bashkësive lokale, e lëre më të marrin një kryetar të bashkësisë lokale, këshilltarë ose kryetar bashkie.

"Projekte të tilla nuk kanë mbështetje sepse sot nuk ka armiqësi mes maqedonasve dhe shqiptarëve, dhe mes të gjithë të tjerëve  në vend. Ne jemi një shembull i bashkëjetesës dhe besoj se kjo do të shihet si një model me miratimin në rritje," tha kryeministri Zaev për "Tanjug".