Megjithë masat shtrënguese të shkaktuara nga pandemia për kufizimet në takime dhe prani fizike, në Uashington SHBA u organizua takim midis ministres së Mbrojtjes Radmilla Shekerinska dhe sekretarit të Mbrojtjes të SHBA Llojd Ostin III.
Takimi u zhvillua në një atmosferë jashtëzakonisht miqësore, gjatë së cilës ministrja e informoi sekretarin amerikan të Mbrojtjes me proceset aktuale në sferën e mbrojtjes dhe theksoi pozicionet e Maqedonisë së Veriut në proceset gjeopolitike në rajon.
Duke theksuar suksesin e arritur me anëtarësimin e Maqedonisë së Veriut në NATO, ministrja theksoi se kjo është për shkak të politikës së vendosur, vendimeve të guximshme, por edhe angazhimit dhe punës së madhe në mbrojtje, të cilat, në 30 vitet e fundit, bartin edhe një shenjë të fortë amerikane.
“SHBA kanë qenë dhe mbeten mbështetësit dhe partneri ynë më i fortë strategjik gjatë gjithë pavarësisë sonë,” tha ajo.
Duke shprehur kënaqësinë për takimin, sekretari i Mbrojtjes Ostin theksoi se aleanca me Maqedoninë e Veriut vlerësohet shumë dhe është jashtëzakonisht e rëndësishme për Shtetet e Bashkuara. Ai falënderoi për partneritetin dhe bashkëpunimin afatgjatë në mbrojtje dhe theksoi se do të vazhdojë të zhvillohet me intensitet edhe më të fortë.
Ministrja iu referua gjithashtu procesit të integrimit evropian dhe vlerësoi se ngërçi nuk shkon në favor të përpjekjeve për një Ballkan Perëndimor të qëndrueshëm.
"Ngërçi në integrimin evropian të Maqedonisë së Veriut minon besimin në vlerat evropiane dhe në vendimet e guximshme që kemi marrë si vend për të hequr pengesat gjatë rrugës. “Unë besoj se një angazhim i fortë dhe i koordinuar evropian dhe amerikan do të çonte në një lëvizje pozitive dhe kapërcim të status quo -së në proces, e cila do të rikthejë besimin në të dhe do të parandalojë ndikimet nga palët e treta,” tha Shekerinska.
Shekerinska gjithashtu u takua në Pentagon me Kolin Kall, nënsekretar i Shtetit për Çështjet Politike. Takimi u përqëndrua në situatën në Afganistan, sfidat e reja në sigurinë kibernetike, bllokimin e procesit të negociatave me BE-në dhe zhvillimin e përbashkët të Krivollakut si një polygon trajnimi ushtarak i NATO -s.
